NA SAME 8 - Vakavakadewa Vou kei na iVola tale eso

¹ Kemuni Jiova na neimami Turaga, Sa laurai na nomuni lagilagi ena vuravura taucoko! Sa yaco ki lomalagi na nomuni vakacaucautaki.

² Era sa lagata na gone kei na gone dramidrami. O ni sa viria e dua na bai me lati ira na kemuni meca, Me tarovi ira na kemuni meca kei ira era dau cati kemuni.

³ Ni'u vakaraica na maliwa lala na ka e cakava na ligamuni; Na vula, na veikalokalo o ni a bulia, Ka lesia na vanua me ra tu kina;

⁴ A cava mada na tamata mo ni nanumi koya kina; Na luve ni tamata mo ni kauwaitaki koya kina?

⁵ O ni a buli koya me lailai sobu mai vei kemuni, Ka vakaisalataki koya ena lagilagi kei na dokai.

⁶ O ni sa buli koya me lewa na veika kece o ni a bulia Ka lesi koya me cecere mai na veika kecega;

⁷ Na sipi kei na bulumakau, Ka vakakina na veimanumanu kila,

⁸ Na veimataqali manumanu vuka kei na ika, Ka vakakina na veika kecega ni wasawasa.

⁹ Kemuni Jiova na neimami Turaga Sa laurai na nomuni lagilagi e vuravura taucoko. Vua na i liuliu ni sere: me baleti Muce-lapeni. A Same i Tevita.