NA SAME 75 - Vakavakadewa Vou kei na iVola tale eso

¹ Keimami sa vakavinavinaka vei kemuni, na Kalou, Io, keimami sa vakavinavinakataki kemuni! Keimami sa tusanaka tikoga na nomuni cecere Ka tukuna voli na veika veivakurabuitaki o ni sa cakava.

² A sa kaya na Kalou, “Au sa lokuca oti e dua na gauna ni veilewai, Ka'u na lewa vakadodonu ka savasava.

³ E dina ga ni ra dau rere na veika bula kecega Ka dau yavavala na dela i vuravura, Au na vakadeitaka ga na kena yavu me taucoko ka kaukauwa.

⁴ Au na tukuna vei ira na dokadoka me ra kua ni dokadoka, Ka kaya vei ira na i valavala ca me ra kua ni viavialevu.

⁵ Au na kaya vei ira me ra muduka na nodra dau tukutukuni ira.”

⁶ Sa sega ni lako mai na lewa mai na tokalau se mai na ra, Se mai na vualiku se mai na ceva.

⁷ Sa turaganilewa ga o koya na daunilewa, na Kalou, Ni sa totogitaka eso na kisi ka talaca eso tale.

⁸ Sa taura tu e dua na bilo o Jiova e ligana, Ka sa sinai tu ena waini kaukauwa ni nona cudru. Sa sova yani o koya, ka ra sa gunuva na tamata ca kecega; Era sa gunuva ka vakamacara vakadua.

⁹ Ia, ka'u na sega ga ni cegu na tukuna voli na Kalou i Jekope, Se laga sere ni vakacaucautaki koya.

¹⁰ Ena vakamalumalutaka o koya na nodra kaukauwa na tamata ca, Ia, ena vakalevutaki cake ga na nodra kaukauwa na yalododonu. Vua na i liuliu: kei na i yaya ni vakatagi vaka-wa. A Same i Esava. A Sere.