NA SAME 67 - Vakavakadewa Vou kei na iVola tale eso

¹ Kemuni na Kalou, Ni lomani keimami ka vakalougatataki keimami, Ni raici keimami mai ena yalololoma;

² Me kila kina o vuravura taucoko na lomamuni; Me ra kila kina na veimatanitu na nomuni veivakabulai.

³ Kemuni na Kalou, me ra vakacaucautaki kemuni na tamata; Me ra vakacaucautaki kemuni na lewe ni veivanua kecega.

⁴ Me ra masu na veimatanitu ka sere ena reki, Baleta ni o ni sa lewai ira na tamata ena lewa dodonu Ka tubera tiko na veimatanitu kecega.

⁵ Me ra vakacaucautaki kemuni na Kalou na tamata Me ra vakacaucautaki kemuni na tamata kecega.

⁶ Sa vuataka na qele na vuana; Sa vakalougatataki keda na Kalou, o koya na noda Kalou.

⁷ Sa vakalougatataki keda na Kalou, Me ra rokovi koya na tamata mai na veivanua kecega. Vua na i liuliu ni sere. A nei Tevita. A Same. A Sere.