NA SAME 66 - Vakavakadewa Vou kei na iVola tale eso

¹ Ni vakacaucautaka na Kalou ena kaila ni marau, na tamata kecega!

² Ni seretaka na lagilagi ni yacana, Ni cabora vua na vakacaucau sa veivakalagilagi!

³ Ni kaya vua na Kalou, “Sa veivakurabuitaki dina na veika o ni cakava! Sa levu na nomuni kaukauwa, Ka ra sa cuva kina ena rere na kemuni meca e matamuni.

⁴ Era sa qaravi kemuni na lewe i vuravura kecega; Era sega ni vakacaucautaka na yacamuni.”

⁵ Ni lako mai mo ni raica na ka sa cakava na Kalou, Na nona cakacaka mana ena kedra maliwa na tamata.

⁶ Sa vukica na wasawasa me vanua mamaca; A ra sa lako kosova na uciwai na neimami qase ena yavadra. Keimami a marau e kea ena vuku ni ka sa cakava na Turaga.

⁷ Sa lewa tikoga o koya ena nona kaukauwa ka sega ni mudu, Ka sa dikeva tiko na matana na veimatanitu. Me kakua ni dua na dauveisaqasaqa me saqati koya.

⁸ Ni vakacaucautaka na noda Kalou na veimatanitu kecega; Ni cakava me rogoci na nomuni veivakacaucautaki.

⁹ Sa taqomaka tiko na noda bula Ka sega ni laivi keda me da bale.

¹⁰ O ni sa vakatovolei keimami, na Kalou, Me vaka na siliva sa vakasavasavataki ena bukawaqa,

¹¹ O ni sa soli keimami me keimami coko ena dai Ka vakacolata na i colacola bibi ena domo i keimami.

¹² O ni sa laivi ira na keimami meca me ra butulaki keimami; Keimami a lakova na loma ni bukawaqa kei na waluvu, Ka o ni sa qai kauti keimami mai oqo ki na dua na vanua vinaka.

¹³ Au na kauta mai eso na i soro kama ki na nomuni vale; Au na vakacabora vei kemuni na ka au sa yalataka.

¹⁴ Au na solia vei kemuni na ka au sa kaya Me'u na solia ena gauna au a leqa tu kina.

¹⁵ Au na vakacabora na sipi me vakamai ena i cabocabonisoro; Ka na tu e kea na i boi ni manumanu tavu; Au na vakacabora na bulumakau kei na me.

¹⁶ Ni lako mai mo ni rogoca, oi kemuni sa rerevaka na Kalou, Ka'u na tukuna vei kemuni na veika sa cakava vei au o koya.

¹⁷ Au a masu vua me vukei au; Au sa vakarau tu me'u vakacaucautaki koya ena sere.

¹⁸ Kevaka au a goleva e lomaqu na i valavala ca Ena sega ni rogoci au na Turaga.

¹⁹ Ia, sa rogoci au dina na Kalou; A sa rogoca na noqu masu.

²⁰ Au sa vakavinavinaka ga vua na Kalou, Ni sa sega ni cata na noqu masu o koya se yalana na nona loloma tudei vei au. Vua na i liuliu ni sere: kei na i yaya ni qiriqiri vaka-wa. A Same. A Sere.