NA SAME 63 - Vakavakadewa Vou kei na iVola tale eso

Yalovakacegu ena Mata ni Kalou

A Same i Tevita, ni sa tiko ena vanua lala mai Juta.

¹ Oi kemuni na Kalou, sai kemuni na noqu Kalou, Ka'u sa gadrevi kemuni. Sa gadrevi kemuni na veitiki ni noqu bula taucoko; Ka sa karamaca ena viagunu vei kemuni na yaloqu, Me vaka e dua na vanua mamaca sa sega kina na wai.

² Au gadreva me'u rai yani vei kemuni ena nomuni vale tabu Me'u raica na nomuni qaqa kei na nomuni lagilagi.

³ Ni sa vinaka cake sara na nomuni loloma tudei mai na bula, Io, ena vakacaucautaki kemuni kina na tebe ni gusuqu.

⁴ Au na vakavinavinaka vei kemuni ena gauna kece ni noqu bula; Ka'u na laveta cake yani na ligaqu vei kemuni ena masu.

⁵ Ena kana ga ka mamau na yaloqu, Ka'u na lagata na veisere ni vakacaucau eso vei kemuni.

⁶ Ni'u davo ena i davodavo, au sa dau vakananumi kemuni; Au vakasamataki kemuni ena bogi taucoko,

⁷ Ni sai kemuni ga ka sa dau vukei au voli. Au na laga sere ena marau ena yaloyalo ni tabamuni.

⁸ Au sa kabiti kemuni Ka'u sa maroroi au na ligamuni i matau.

⁹ Ia, o ira era sa tovolea me ra vakamatei au, Era na lako sobu ki na nodra vuravura na mate.

¹⁰ Era na vakamatei ena i valu, Ka ra na kania na yagodra o ira na oliva.

¹¹ Ena marau na tui ni sa solia vua na qaqa na Kalou, Era na marau o ira kece era vosa yalayala ena yaca ni Kalou, Ia, na gusudra ga na tamata lasulasu ena sogoti. Vua na i liuliu ni sere. A Same i Tevita.