NA SAME 6 - Vakavakadewa Vou kei na iVola tale eso

Masu ni Kere Veivuke ni Yaco na Leqa

Vua na i liuliu ni sere: kei na i vakatagi vakawa; ena Seminica. A Same i Tevita.

¹ I Jiova, ni kakua ni cudruvi au ena nomuni lomakatakata. Ni kakua ni totogitaki au ena nomuni cudru.

² Ni lomani au, i Jiova; au sa rui malumalumu; Ni vakaukauwataki au; ni ka'u sa oca vakaidina.

³ Sa leqa vakaca sara na noqu bula taucoko. Ena vakacava soti na kena dede, i Jiova, O ni na wawa kina mo ni vukei au?

⁴ I Jiova, ni lako mai ka ia na veivakabulai; Ni vueti au mai na mate ena nomuni yalololoma.

⁵ O ni sa sega ni nanumi ena nodra vuravura na mate; Sa sega ni dua e rawa ni vakacaucautaki kemuni mai kea.

⁶ Au sa oca mai ena noqu rarawa, Ka sa vakasuasuataka na noqu i mocemoce na wai ni mataqu ena veibogi; Sa suasua talega vakakina na noqu i lokoloko ena wai ni mataqu.

⁷ Sa voleka ni'u sega ni rai rawa; Sa vuvuce vakalevu sara na mataqu Mai na tagi sa vu mai vei ira na kequ meca.

⁸ Ni lako tani kece mai vei au, oi kemuni na tamata i valavala ca! Sa rogoca o Jiova na noqu tagi;

⁹ Sa rogoca o koya na noqu tagi ni kere veivuke Ka sa sauma ga o koya na noqu masu.

¹⁰ O ira na kequ meca Era na kila na madua mosimosi ni bula e vakadrukai, Ka ra na lako yani vakasauri ena veilecayaki.