NA SAME 58 - Vakavakadewa Vou kei na iVola tale eso

¹ Oi kemuni na dauveiliutaki, sa dodonu li na nomuni lewa? O ni sa vakatauca li vakadodonu na nomuni lewa me baleti ira na tamata kecega?

² E segai sara! O ni sa nanuma ga na veika ca mo ni cakava, Ka vakayacora na i valavala kaukauwa ka cala ena vanua oqo.

³ Era sa daulako cala voli ga na tamata ca ena nodra bula taucoko; Era sa dauvosa lasu me vakatekivu mai na siga era sucu kina.

⁴ Era sa sinai ena ka gaga me vaka na gata, Ka vakadidivarataka na daligadra me vaka na gata didivara,

⁵ O koya oqo era sa sega kina ni rogoca na domo i koya na dauuvu bitu ni gata, Se rogoca na nodra sere se vucu na daucakamana qaseqase.

⁶ Ni musuka na batidra rerevaki na laione oqo, na Kalou.

⁷ Me ra takali yani me vaka na wai sa drodro tani yani, Me ra vaka na co sa buturaki ena gaunisala.

⁸ Me ra vaka na bosucu sa waicala yani me vaka na qele dregadregata; Ka vaka na gone sa qai sucu ka sega ni se bau raica na rarama.

⁹ Ni bera ni ra kila, era sa tamusuki sobu me vaka na kau; Ena uvuci ira tani na Kalou ena nona cudru katakata ni ra se bula tiko.

¹⁰ Era na marau na tamata yalododonu ni ra raica ni ra sa totogitaki na tamata i valavala ca; Era na lako kosova na nodra dra na tamata ca.

¹¹ Era na kaya na tamata, “Sa dina sara, era sa vakaicocovi vakaidina na tamata yalododonu. Sa dina sara, sa tiko vakaidina e dua na Kalou sa lewa e vuravura.”