NA SAME 57 - Vakavakadewa Vou kei na iVola tale eso

Na Masu Vua na Kalou ena Gauna ni Rarawa

Vua na i liuliu ni sere: me vaka na i lagalaga ni sere “Kakua ni Vakarusa.” A nei Tevita, ni sa drotaki Saula mai na qara vatu.

¹ Ni yalololoma vei au, na Kalou, ni yalololoma vei au, Ni'u sa lako mai vei kemuni me'u taqomaki. Au sa mai kunea na veitaqomaki ena yaloyalo ni tabamuni Me yacova ni sa oti na cava kaukauwa.

² Au a tagi vua na Kalou sa Cecere Sara, Vua na Kalou, o koya sa vakarautaka na veika kecega au gadreva.

³ Ena sauma mai o koya mai lomalagi ka vakabulai au; Ena vakaraitaka vei au na Kalou na nona loloma tudei kei na nona yalodina.

⁴ Au sa davo sobu ena kedra maliwa na laione, Era sa vakarau tu me ra tilomi au. Na batidra sa vaka na moto kei na gasau ni dakaititi; Na yamedra sa vaka na i seleiwau gata.

⁵ Kemuni na Kalou, ni vakaraitaka na nomuni cecere e lomalagi, Kei na nomuni lagilagi e vuravura taucoko.

⁶ Era sa tevuka na nodra lawa na kequ meca me ra tagavi au; Au sa luvuci sara ena rarawa. Era sa kelia e dua na i keli ena noqu sala, Ia, era sa qai sikalutu tale kina vakataki ira.

⁷ Sa tudei tu na yaloqu, kemuni na Kalou; Au na sere ka vakacaucautaki kemuni!

⁸ Mo yadra cake mai, na yaloqu! Drau yadra mai na api kei na i vakatagi vaka-wa. Au na vakayadrata na matanisiga.

⁹ Au na vakavinavinaka vei kemuni, na Turaga, ena kedra maliwa na veimatanitu; Au na vakacaucautaki kemuni ena kedra maliwa na veimata tamata!

¹⁰ Na nomuni loloma tudei sa yaco ki lomalagi, Ka sa yacova na lomalagi na nomuni yalodina.

¹¹ Ni vakaraitaka na nomuni cecere na Kalou ena maliwa lala, Kei na nomuni lagilagi e vuravura taucoko. Vua na i liuliu ni sere: me vaka na i lagalaga ni sere “Kakua ni Vakarusa.” A nei Tevita. A Mikitami.