NA SAME 54 - Vakavakadewa Vou kei na iVola tale eso

A Masu ni Kere Veitaqomaki

Vua na i liuliu ni sere: kei na i yaya ni qiriqiri vaka-wa. A Masikili i Tevita, ni ra sa lako mai vei Saula na kai Sifi ka tukuna vua, “O Tevita e vunitaki koya tiko ena keimami maliwa.”

¹ Kemuni na Kalou, ni vakabulai au ena nomuni qaqa; Ni sereki au ena nomuni kaukauwa!

² Ni rogoca na noqu masu na Kalou; Ni vakarorogo mada ki na noqu vosa!

³ Era sa lako mai na tamata i tovo viavialevu me ra valuti au; Era sa saga na tamata i tovo kaukauwa me ra vakamatei au, O ira na tamata era sega ni bau kauwaitaka na Kalou.

⁴ Au sa kila ni dau vukei au na Kalou, Ka sa dau taqomaki au na Turaga.

⁵ Me qai totogitaki ira na kequ meca na Kalou mai na nodra i tovo ca vakataki ira ga. Ena vakarusai ira o koya ena vuku ni nona yalodina.

⁶ Kemuni Jiova, au na vakacabora vei kemuni na i soro ena marau; Au na vakavinavinaka ki na yacamuni, ni o ni sa rui vinaka.

⁷ O ni sa vakabulai au mai na noqu leqa kecega; Ka'u sa raica ni ra sa vakadrukai na kequ meca. Vua na i liuliu ni sere; kei na i yaya ni vakatagi vaka-wa. A Masikili i Tevita.