NA SAME 49 - Vakavakadewa Vou kei na iVola tale eso

¹ Ni rogoca mada na ka oqo na tamata kecega! Ni vakarorogo na tamata kecega ena veivanua taucoko,

² Oi kemuni na cecere kei na lolovira, Kei kemuni talega na vutuniyau kei na dravudravua.

³ Sa matata ka makare vinaka na noqu vakanananu; Ka'u na tauca na vosa eso ni veivakayalomatuataki.

⁴ Au na vagolea na noqu vakanananu ki na vosa vakaibalebale Ka vakamacalataka na kedra i balebale ni'u qiria tiko na api.

⁵ Au sa sega ni daurere ena veigauna ni leqa Ni ra sa dau wavoliti au kina na meca,

⁶ Se o ira na tamata era sa vakararavi ga ki na nodra i yau Ka dokadokataka na levu ni ka era taukena.

⁷ E sega ni dua ena rawa ni voli koya vakaikoya vakadua; Ka sega ni rawa vua me sauma vua na Kalou na i sau ni nona bula,

⁸ Baleta ni sa rui vakaitamera na i sau ni nona bula. Na ka ena sauma rawa ena sega sara ni veiganiti

⁹ Me na tarovi koya mai na nona lako ki na i bulubulu, Me rawa ni bula tikoga ka sega ni mudu.

¹⁰ Eda sa raica rawa ni sa dau mate talega na tamata yalomatua, Ka vakakina o ira na lialia kei na lecaika. Era sa biuta kece tu ga mai na nodra i yau vei ira na nodra kawa.

¹¹ Na kedra i bulubulu ena nodra i tikotiko ka tawa mudu, Era na tiko e kea ena veigauna kecega, Ka veitalia ga ni ra a taukena tu e liu na veitiki ni qele eso.

¹² Na nona cecere e dua na tamata ena sega ni rawa ni tarova na nona mate: Ena mate yani o koya me vaka na manumanu.

¹³ Raica na ka e yacovi ira era sa vakararavi ga vei ira, Io, na veika ca era na sotava na dauvakararavi ki na nodra i yau.

¹⁴ Era na totogi me ra mate me vaka na sipi, Ka na qai nodra i vakatawa o Mate. Era na qaqa ga na yalododonu vei ira ena mataka lailai, Ka vuca yani na yagodra ena vuravura ni mate sa yawa sara mai na nodra i tikotiko.

¹⁵ Ia, na Kalou ga ena vakabulai au; Ena taqomaki au o koya mai na kaukauwa nei mate.

¹⁶ Kakua ni taqaya ni sa yaco me vutuniyau e dua; Ni sa yaco me levu sara na nona i yau;

¹⁷ Ena sega ni kauta vata kaya ni sa mate, Ka na sega ni lako vata kei koya na nona i yau ki na i bulubulu.

¹⁸ Kevaka e sa yalovakacegu ga o koya ena vuku ni nona bula ka sa dokai ena vuku ni nona rawa ka,

¹⁹ Ena muri ira ga na nona qase ki na mate, Ena vanua sa butobuto tu ga ka sega ni mudu.

²⁰ Na nona cecere ena sega ni tarova rawa na nona mate; Ena mate ga o koya me vakataki ira na manumanu. A Same i Esava.