NA SAME 43 - Vakavakadewa Vou kei na iVola tale eso

A Masu ni Tamata e Gadreva na Kalou (Na i Kuri ni Same 42)

¹ Kemuni na Kalou, mo ni vakaraitaka ni'u sa tawa cala, Ka taqomaki au mai vei ira na tamata tawa lotu; Ni sereki au mai vei ira na tamata ca ka lasulasu.

² Sa i kemuni o ni sa dau taqomaki au; Na cava o ni sa biuti au kina? Na cava na vuna me'u vakararawataki tikoga kina Mai vei ira na tamata i tovo kaukauwa kei ira na kequ meca?

³ Ni tala mai na nomuni rarama kei na nomuni dina Me mai liutaki au, Ka kauti au lesu ki Saioni, na nomuni ulunivanua tabu, Kei na nomuni vale tabu o ni tiko kina.

⁴ Ia au na qai lako ki na nomuni cabocabonisoro na Kalou, Baleta ni o ni solia vei au na reki kei na marau; Au na qai qiria na noqu api ka sere ni vakacaucautaki, Kemuni na Kalou, na noqu Kalou.

⁵ Na cava au rarawa tiko kina? Na cava au vakaleqai tiko kina? Au na vakanuinui ga vua na Kalou; Ka'u na vakacaucautaki koya tale Na noqu i vakabula ka noqu Kalou. Vua na i liuliu ni sere. A nodra Masikili na luve i Kora.