NA SAME 42 - Vakavakadewa Vou kei na iVola tale eso

Ai Karua ni i Vola ( Same 42–72 ) Masu ni Vaqaqara Bula ena Gauna ni Leqa

Vua na i liuliu ni sere. A nodra Masikili na luve i Kora.

¹ Me vaka sa gadreva na wai drodro na dia, Sa vakakina na noqu gadrevi kemuni, na Kalou.

² Au sa karamacataki kemuni, na Kalou bula; Me'u lako beka ena gauna cava ka cuva e matamuni?

³ Au sa tagi ena siga kei na bogi, Ka sa kequ kakana ga na wai ni mataqu; Era sa tarogi au na kequ meca ena veigauna kece, “Sa evei na nomu Kalou?”

⁴ Sa rarawa na yaloqu ni'u vakananuma na veika oqo: Na noqu a lako vata kei ira na lewe vuqa ki na vale ni Kalou, Ni'u a liutaki ira ena neimami lako voli, Oqori na i lala mamarau era sa lagalaga sere Ka reki ena vakacaucautaka na Kalou.

⁵ A cava beka na vuna e sa rui bibi kina na lomaqu? Se ena vuku ni cava au sa rui nuiqawaqawa kina? Ia au na vakanuinui ga vua na Kalou, Ka'u na vakacaucautaki koya tale Na noqu i vakabula ka noqu Kalou.

⁶ Noqu Kalou, sa bibi sara na yaloqu e lomaqu, Oqo na vuna ka'u sa nanumi kemuni kina; Io, mai na vanua o Joritani kei Eremoni, Kei na ulunivanua o Maisa.

⁷ Sa kaci na wasa titobu ki na boto ni sauloa ena rorogo vadugu ni savu; Ka sa sevi au na nomuni biau kecega kei na nomuni biau lelevu kece sara.

⁸ Sa vakarota o Jiova na nona loloma tudei ena veisiga. Ka sa tiko ga e lomaqu na nona sere ena veibogi, Kei na masu vua na Kalou ni noqu bula.

⁹ Au sa kaya vua na Kalou o koya sa solia vei au na bula, “Na cava o ni sa guilecavi au kina? Na cava me'u sota kaya tikoga kina na ka rarawa Mai na nodra i tovo kaukauwa na noqu meca?”

¹⁰ Au sa vakayalolailaitaki ena nodra veivakasewasewani, Era taroga tikoga vei au, “E vei na nomuni Kalou?”

¹¹ Na cava mada au sa rui rarawa tiko kina? Na cava au vakaleqai kina? Au na vakanuinui ga vua na Kalou Ka'u na vakacaucautaki koya tale Na noqu i vakabula ka noqu Kalou.