NA SAME 41 - Vakavakadewa Vou kei na iVola tale eso

¹ Sa kalougata na tamata sa kauwaitaka na dravudravua, Ena vukei koya o Jiova ena gauna e leqa kina.

² Ena taqomaki koya o Jiova ka maroroya na nona bula, Ena vakalougatataki koya na Turaga ena vanua e tiko kina; Ka na sega ni soli koya ki na ligadra na nona meca.

³ Ena vukei koya o Jiova ni sa tauvi mate Ka vakabulai koya mai na mate kecega.

⁴ Au a kaya, “Au sai valavala ca vei kemuni Jiova; Mo ni lomani au ka vakabulai au!”

⁵ Era sa kaya na veika ca na kequ meca. Era vinakata me'u mate ka guilecavi.

⁶ O ira era sa na mai sikovi au era sa sega ni vosa dina; Era sa kumuna kece na i tukutuku ca baleti au Ka qai lako yani ka tukuna ena veiyasana kecega.

⁷ O ira kecega sa cati au, era sa veivosakitaki au lo vakai ira; Era sa vakananuma na ka ca duadua me baleti au.

⁸ Era sa kaya, “Sa tauvi mate bibi sara o koya, Ka sa na sega ni bula tale mai kina.”

⁹ O koya mada ga na noqu i tokani vinaka, o koya au dau vakadinata ka vota vata na kequ, Sa saqati au tale.

¹⁰ Ni lomani au Jiova ka vakabulai au; Me'u na qai sauma lesu na nodra i vakarau na noqu meca.

¹¹ Au na qai kila kina ni o ni sa vinakati au, Baleta ni ra sa sega ni qaqa vei au.

¹² O ni na vukei au baleta ni'u sa cakava na ka dodonu Ka maroroi au tikoga e matamuni ka sega ni mudu.

¹³ Me da vakacaucautaki Jiova, na Kalou ni Isireli; Me da vakacerecerei koya ena veigauna kecega. Emeni! Emeni!