NA SAME 31 - Vakavakadewa Vou kei na iVola tale eso

¹ Au sa lako mai vei kemuni Jiova me'u taqomaki, Ni kakua ni laiva me'u vakamaduataki. Sa i kemuni na Kalou yalosavasava, Au kerei kemuni mo ni vakabulai au.

² Mo ni rogoci au, ka vakabulai au oqo. Mo ni noqu i drodro ka taqomaki au. Mo ni noqu i sasabai ka vakabulai au.

³ Sa i kemuni na noqu i drodro kei na noqu bainivalu; Ni tuberi au ka liutaki au me vaka o ni sa yalataka.

⁴ Ni maroroi au mai na dai sa caka tu me baleti au, Sa i kemuni na noqu i drodro.

⁵ Au sa laiva tu na noqu bula ki na nomuni veitaqomaki, O ni sa vakabulai au Jiova Sa i kemuni na Kalou yalodina.

⁶ O ni sa cati ira era qarava na veikalou lasu; Ia au sa vakadinati kemuni.

⁷ Au na reki ka marau ena vuku ni nomuni loloma tudei. O ni sa raica na noqu vakararawataki; O ni sa kila na noqu leqa.

⁸ O ni sa sega ni laivi au me ra vesuki au na kequ meca; Ia o ni sa taqomaki au.

⁹ Ni lomani au Jiova, ni'u sa leqa tu oi au, Sa oca mai na mataqu ena levu ni tagi; Ka sa oca talega na yagoqu kei na yaloqu.

¹⁰ Sa vakalekalekataka na noqu bula na noqu rarawa, Ka sa vakalailaitaka na wai ni mataqu na noqu tagi. Au sa malumalumu mai ena vuku ni noqu leqa kecega, Na suiqu sara mada ga sa vuca tiko yani.

¹¹ O ira kece na noqu meca, era sa vakalialiai au; Era sa beci au na wekaqu. O ira era kilai au era sa rerevaki au, Ni ra raici au ena gaunisala era sa dro tani yani.

¹² Au sa guilecavi me vaka e dua na tamata sa mate; Ka'u sa vaka e dua na ka sa biu tu yani.

¹³ Au sa rogoca na nodra vakasolokakana e vuqa na meca; Sa vakavolivoliti au na rere. Era sa bukiveretaki au, Ka nakita me ra vakamatei au.

¹⁴ Ia au sa vakadinati kemuni Jiova; Sa i kemuni na noqu Kalou.

¹⁵ Sa tu ena ligamuni na noqu bula; Ni vakabulai au mai vei ira na noqu meca Kei ira era vakasaurarataki au.

¹⁶ Ni raici koya mai na nomuni dauveiqaravi ena yalovinaka, Ni vakabulai au ena vuku ni nomuni loloma tudei.

¹⁷ Au sa masu vei kemuni Jiova Ni kakua ni laiva me'u vakamaduataki; Me ra vagalui mai na nodra vanua na mate.

¹⁸ Ni vakatikolotaki ira na tamata lasulasu O ira na dokadoka ka viavialevu, Era sa vosa beci vei ira na tamata yalododonu.

¹⁹ Sa uasivi dina na veika vinaka O ni vakarautaka me nodra era rerevaki kemuni. Sa uasivi dina na ka o ni cakava, Ena matadra na tamata kecega o ni sa taqomaki ira era vakadinati kemuni.

²⁰ O ni sa vunitaki ira ena veitaqomaki ni matamuni, Mai na nodra i naki ca na tamata. O ni sa taqomaki ira ena dua na vale taqomaki vinaka Mai na nodra veivakasewasewani na kedra meca.

²¹ Me vakacaucautaki o Jiova! Sa uasivi dina na nona loloma tudei ki vei au ena gauna ka'u a wavoliti tu kina ka ravuti!

²² Au a rere ka nanuma Ni o ni sa viritaki au tani mai na matamuni. Ia o ni a qai rogoca na noqu tagi, Ena gauna au kerea kina na nomuni veivuke.

²³ Ni lomani Jiova oi kemuni kece na nona tamata yalodina! Sa taqomaki ira na tamata yalodina o Jiova Ia sa totogitaki ira vakabibi sara era viavialevu.

²⁴ Mo ni kaukauwa ka qaqa, Oi kemuni o ni sa vakanuinui vei Jiova! A nei Tevita. A Masikili.