NA SAME 3 - Vakavakadewa Vou kei na iVola tale eso

Dinata na Kalou ena Gauna Dredre

A Same i Tevita, ni sa drotaki Apisalome na luvena.

¹ Oi kemuni Jiova, era sa lewe levu sara na kequ meca, Ka lewe vuqa era saqati au.

² Era sa veivosakitaki au ka kaya, “Ena sega ni vukei koya na Kalou.”

³ Ia oi kemuni Jiova, o ni sa noqu i sasabai; O ni solia vei au na qaqa, Ka dau vakayaloqaqataki au.

⁴ Ni'u sa tagi ga vei Jiova ena domolevu, Ka sa rogoci au mai na nona ulunivanua tabu.

⁵ Au sa davo sobu ka moce, Ka sa maroroi au voli o Jiova ena bogi taucoko.

⁶ Au sa sega ni rerevaki ira na udolu vakaudolu na meca Era sa vakavolivoliti au.

⁷ Mo ni mata cake, i Jiova! Ni vakabulai au mada, oi kemuni na noqu Kalou! Ni vakaramusutaka na galegaledra na kequ meca Ka vorolaka na batidra na tamata ca.

⁸ Sa lako ga mai vei Jiova na qaqa. Me qai sobuti ira na nomuni tamata na nomuni veivakalougatataki.