NA SAME 29 - Vakavakadewa Vou kei na iVola tale eso

¹ Oi kemuni na veika vakalou, mo ni vakacaucautaki Jiova, Ni vakacaucautaka na nona lagilagi kei na nona kaukauwa.

² Mo ni vakacaucautaka na yaca i Jiova lagilagi; Ka cuva sobu vua na Le Dua Yalo Savasava ni sa basika mai.

³ Sa rogoci na domo i Jiova ena wasawasa; Sa vakavuna na Kalou me lutu na kurukuru; Ka sa voqa mai na domona ena dela ni wasawasa.

⁴ Sa rogoci na domo i Jiova io ena kena kaukauwa taucoko ka sa vakaturaga.

⁵ Sa musulaka na sitari na domo i Jiova, Ka vakakina na sitari ni Lepanoni.

⁶ Sa vakayacora na veiulunivanua mai Lepanoni me ra lade cake me vaka na luve ni bulumakau yalewa, Ka vakayacora na ulunivanua o Eremoni me lade me vaka na luve ni bulumakau tagane.

⁷ Na domo i Jiova sa vakavuna me tibi na livaliva.

⁸ Na domona sa yavalata na vanua dravuisiga; Ka sa kurea o koya na vanua dravuisiga o Katesi.

⁹ Na domo i Jiova sa vakavuna me sakure na vuni oki, Ka sa drutidrutia laivi na drauna kece sara ni ra sa kacivaka mai o ira sa tiko ena Valenisoro, “Me rokovi na Kalou!”

¹⁰ Sa lewa o Jiova na veiwai titobu Ka sa lewa tiko me vaka na tui ka sega ni mudu.

¹¹ Sa solia o Jiova na kaukauwa vei ira na nona tamata Ka vakalougatataki ira na nona tamata ena bula vakacegu. A Same i Tevita. A sere ni kena vakatabui na Valenisoro.