NA SAME 24 - Vakavakadewa Vou kei na iVola tale eso

O Koya na Tui Cecere

A Same i Tevita.

¹ Sa nei Jiova o vuravura kei na veika kecega sa tu kina; Sa nona na veivanua kei na veika kecega sa bula kina.

² Ni sa tauyavutaka o koya ena wasa levu, Ka vakotora na kena yavu ena boto ni wasa titobu.

³ O cei sa tu vua na dodonu me cabe cake ki na ulunivanua i Jiova? O cei ena vakadonui me curu ki na nona vale tabu?

⁴ O koya ga sa dau caka vinaka ka yalosavasava, O koya sa sega ni dau qaravi kalou lasu Ka sega ni dau yalayala lasulasu.

⁵ Ena vakalougatataki koya o Jiova; Ena vakadonui koya na Kalou na nona i Vakabula.

⁶ Sa i ira na tamata vaka o ya era lako mai vua na Kalou; Sa i ira era lako mai ki na mata ni Kalou i Jekope.

⁷ Ni dolava vakarabailevu na matamata Me tadola na veikatuba makawa, Ka na qai curu mai na Tui Cecere.

⁸ O cei na Tui Cecere oqo? Sa i Jiova na Turaga kaukauwa ka qaqa, O Jiova sa qaqa ena i valu.

⁹ Ni dolava vakarabailevu na matamata, Me dola na veikatuba makawa, Ka me curu mai na Tui Cecere.

¹⁰ O cei na tui cecere oqo? O Jiova, na vu-ni-qaqa ena i valu — sai koya na Tui Cecere. A nei Tevita.