NA SAME 23 - Vakavakadewa Vou kei na iVola tale eso

¹ Sa noqu i vakatawa o Jiova; Ka sa tu vei au na veika kece au gadreva.

² Sa vakotori au me'u vakacegu no ena vanua veico drokadroka, Sa liutaki au ki na veibati ni wai sa drodro malua.

³ Sa solia vei au na kaukauwa vou. Sa liutaki au ena sala dodonu ena vuku ni yacana.

⁴ Ia, kevaka ka'u sa lako curuma na vanua butobuto sara, au na sega ga ni rere, Ni o ni sa tiko vata kei au, i Jiova. Ena taqomaki au na nomuni titoko kei na nomuni matanakilagi.

⁵ O ni sa vakarautaka na kequ magiti Ena matadra na kequ meca; O ni sa lumuta na waiwai ki uluqu; Sa vuabale na mequ bilo.

⁶ Ena muri au na nomuni yalovinaka kei na nomuni yaloveivosoti ena veigauna kece sara ni noqu bula; Ka'u na tiko ga ena nomuni vale i Jiova ena noqu bula taucoko.