NA SAME 20 - Vakavakadewa Vou kei na iVola tale eso

¹ Me rogoca o Jiova na nomu masu ena gauna ni leqa! Me taqomaki iko na Kalou i Jekope.

² Me solia mai vei iko o koya na nona veivuke mai na nona vale tabu, Ka solia mai na nona veitokoni mai Saioni.

³ Me vakadonuya kece o koya na nomu i solisoli, Ka taleitaka kece na nomu i soro.

⁴ Me solia kece vei iko na ka o gadreva, Ka cakava me rawa kece na nomu i naki.

⁵ Keimami na qai kailavaka vakakina na nomu qaqa ena marau, Ka marautaka na nomu qaqa ena vakacaucautaka na Kalou. Me rogoca o Jiova na nomu kerekere kecega.

⁶ Au sa qai kila oqo ni sa solia o Jiova na qaqa vua na nomu tui digitaki; Sa rogoci koya mai ena nona lomalagi tabu Ka solia vua na qaqa ena nona kaukauwa levu.

⁷ Eso era sa vakanuinui ki na nodra qiqi ni valu, Ka so tale era vakararavi ki na nodra ose, Ia, keimami sa vakararavi ga ki na kaukauwa i Jiova na neimami Kalou.

⁸ Era na tarabe ka bale, Ia, eda sa tucake ga ena lomadei oi keda.

⁹ Kemuni Jiova, ni solia na qaqa vua na tui; Ena rogoci keimami na tui ni keimami sa kaci yani vua. Vua na i liuliu ni sere. A Same i Tevita.