NA SAME 2 - Vakavakadewa Vou kei na iVola tale eso

Na Tui sa Digitaka na Kalou

¹ A cava na vuna era sa nakita kina na veimatanitu me ia na veisaqasaqa? A cava na vuna era sa cakava kina na tamata na bukivere tawayaga eso?

² Era sa tuvaivalu na nodra tui, Ka ra ia na bukivere na i liuliu ni veimatanitu me ra valuti Jiova Kei na tui sa digitaka o koya.

³ Era sa kaya, “Me da vagalalataki keda mai na nodra veiliutaki; Me da biuta tani sara na nodra lewa.”

⁴ Ia sa dredrevaki ira ga na Turaga ena nona i tikotiko vakalomalagi, Ka veiwalitaki ira ena vuku ni nodra i tuvatuva.

⁵ Sa qai vakaroti ira o koya ena nona cudru, Ka vakarerei ira ena nona yalokatakata.

⁶ A sa kaya, “Au sa vakatikora na noqu tui ena noqu ulunivanua tabu o Saioni.”

⁷ A sa kaya na tui, “Au na kacivaka na i vakaro sa kaya o Jiova. Ni sa kaya vei au o koya, ‘Sa i iko na luvequ; Au sa yaco me'u tamamu edaidai.

⁸ Mo kerea mai vei au, ka'u na solia vei iko na veimatanitu kecega, Kei na i yalayala kei vuravura mo taukena.

⁹ O na liutaki ira ena i titoko kaukamea; O na vorolaki ira vakamatailalai me vaka na kuro qele.’ ”

¹⁰ Kemuni kece na tui, Ni rogoca vinaka sara na i vakaro oqo; Kemuni na i liuliu ni veimatanitu, Ni vulica vinaka na lesoni oqo:

¹¹ Ni qaravi Jiova ena rere; Ni cuva vua ena sautaninini.

¹² Ni reguca na Luvena, de na qai cudru o koya O ni na qai mate kina, Ni sa dau totolo na caudre cake ni nona cudru. Sa kalougata o ira kecega sa vakararavi vua.