NA SAME 19 - Vakavakadewa Vou kei na iVola tale eso

¹ Sa vakatakila vinaka na lagilagi ni Kalou na lomalagi! Ka sa dusia vakamatata na maliwa lala na cakacaka ni ligana.

² Na veisiga yadua sa vakasavu i tukutuku yani ki na siga ka tarava, Ka tukuna tale na bogi yadua ki na bogi ka tarava.

³ Sa segai na i tukutuku se vosa me vakayagataki, Ka sega na ka e rogoci;

⁴ Ia na nodra i tukutuku sa lako yani ki na vuravura taucoko, Ka sa rogoci ena i yalayala kei vuravura; A sa vakarautaka na Kalou na vale i matanisiga;

⁵ Sa kida cake ena mataka me vaka na tagane vou mamarau, Me vaka na daucici sa nanamaki ki na veitaucici.

⁶ Sa tekivu mai na dua na yasa ni maliwa lala, Ka lako takoso ki na yasana kadua. Sa sega na ka e rawa ni vuni mai na kena katakata.

Na Lawa i Jiova

⁷ Sa vinaka sara na lawa i Jiova; Ka sa dau solia na bula vou. Sa yaga sara na veivakaro i Jiova, Ka sa solia na vuku vei ira sa sega vei ira.

⁸ Sa dodonu na lewa i Jiova, Ka sa marau o ira kecega sa muria. Sa vinaka taucoko sara na nona veivakaro, Ka sa solia na kila-ka kei na vakasama.

⁹ Sa savasava na rerevaka na Kalou; Sa tudei ga ka tawa mudu. Sa dodonu sara na vakatulewa i Jiova Ka sa vinaka kecega.

¹⁰ Era sa gadrevi cake mai na koula, Ka uasivi cake mai na koula vinaka sara. Sa kamikamica cake mai na oni vinaka sara.

¹¹ Era sa solia vei au na nomuni dauveiqaravi na kila-ka, Ka'u sa saumi ena noqu muri ira.

¹² Sa sega ni dua e rawa ni raica vakataki koya na nona cala; Ni sereki au mai na noqu cala sa vuni tu.

¹³ Ni taqomaki au mai na ca au taleitaka Ni kakua talega ni laiva me ra lewai au. Au sa na qai vinaka kina, Ka galala mai na veivalavala ca rerevaki.

¹⁴ Me dodonu e matamuni Jiova na noqu vosa kei na vakasama, Sa i kemuni na noqu i drodro kei na noqu i vakabula. Vua na i liuliu. A Same i Tevita.