NA SAME 149 - Vakavakadewa Vou kei na iVola tale eso

A Sere ni Vakacaucau

¹ Me vakacaucautaki o Jiova! Ni seretaka e dua na sere vou vei Jiova Ni vakacaucautaki koya ena nodra soqoni na nona yalodina!

² Mo reki Isireli ena vuku i koya a buli iko. Ni reki na lewe i Saioni ena vuku ni nomuni tui!

³ Ni vakacaucautaka na yacana ni o ni meke; Ni qiria na dramu kei na api ena vakacaucautaki koya.

⁴ Sa marautaki ira na nona tamata na Kalou Sa vakalagilagi ira era yalo malumalumu ena qaqa.

⁵ Me ra marau na tamata ni Kalou ena nodra qaqa Ka laga sere ena marau ena nodra solevu.

⁶ Me ra kaila vakadomoilevu ni ra vakacaucautaka na Kalou Ka me ra taura tu na nodra i seleiwau gata ena ligadra,

⁷ Me ra vakadruka kina na veimatanitu Ka totogitaki ira na tamata;

⁸ Me ra vesuki ira na nodra tui ena sinucodo, Kei na nodra i liuliu ena sinucodo kaukamea,

⁹ Me ra totogitaki ira na veimatanitu me vaka sa vakarota na Kalou. Sa i koya oqo na nodra qaqa na tamata ni Kalou! Ni vakacaucautaki Jiova!