NA SAME 138 - Vakavakadewa Vou kei na iVola tale eso

¹ Au sa vakavinavinaka vei kemuni, i Jiova, ena yaloqu taucoko, Ka'u na vakacaucautaki kemuni ena matadra na veikalou.

² Au na cuva sobu ena mata ni nomuni vale tabu, Ka vakamolimoli ki na yacamuni ena vuku ni nomuni loloma tudei kei na yalodina; Ni kemuni sa laveta cake na yacamuni kei na nomuni vosa me uasivita na veika kecega.

³ Ena siga ka'u a masu yani kina vei kemuni, o ni a sauma mai, Ka vakaukauwataka na yaloqu ena nomuni kaukauwa.

⁴ Era a vakacaucautaki kemuni Jiova na tui kecega kei vuravura, Baleta ni ra sa rogoca na nomuni vosa ni yalayala.

⁵ Era na seretaka na veika sa cakava o Jiova, Kei na nona i ukuuku levu.

⁶ Dina ga ni sa rui cecere sara o Jiova, Sa dau kauwaitaki ira era lolovira, Ka ra na sega ni vuni rawa mai vua na tamata viavialevu.

⁷ Kevaka sa wavoliti au na leqa, O ni na maroroi au vinaka tikoga. O ni sa saqati ira na kequ meca, Ka vakabulai au ena nomuni kaukauwa.

⁸ O ni na vakayacora na ka kecega o ni sa yalataka vei au; Na nomuni loloma tudei, i Jiova, ena ia tikoga ka tawamudu. Ni qai vakaotia na cakacaka o ni a tekivutaka. Vua na i liuliu ni sere. A nei Tevita. A Same.