NA SAME 137 - Vakavakadewa Vou kei na iVola tale eso

A Nodra Tagi ni Lolosi na Isireli

¹ Ena bati ni uciwai mai Papiloni, Keimami a dabe sobu kina ka tagi, Ni keimami a vakananumi Saioni.

² Ena tabanikau eso era tubu tu e kea, Keimami a vakarubeca kina na neimami api.

³ O ira ka kauti keimami vakabobula, Era sa kaya me keimami vakamarautaki ira; “Ni lagata mada vei keimami e dua na sere kei Saioni.”

⁴ Ena rawa vakacava vei keimami, Me keimami seretaka na sere i Jiova ena vanua tani?

⁵ Me'u qai kakua ni qiria rawa tale na api, Kevaka au sa guilecavi iko, i Jerusalemi!

⁶ Me'u kakua ni laga sere rawa tale, Kevaka au a guilecavi iko, Kevaka au sega ni nanumi iko mo vuni noqu marau levu duadua!

⁷ Kemuni Jiova, ni nanuma na ka era a cakava, na kai Itomi, Ena siga a kabai kina o Jerusalemi. Ni nanuma na nodra a tagicaka voli vakaveitarataravi, “Me talaraki sobu sara ki na qele.”

⁸ O iko Papiloni, o na vakarusai! Sa kalougata na tamata ena sauma lesu, Na ka o a cakava vei keimami,

⁹ O koya ena tauri ira na nomuni gone dramidrami, Ka viritaki ira ki na vatu! A nei Tevita.