NA SAME 136 - Vakavakadewa Vou kei na iVola tale eso

A Sere ni Vakavinavinaka

¹ Ni vakavinavinaka vei Jiova, ni sa yalovinaka o koya; Ka sa sega ni mudu na nona loloma tudei.

² Ni vakavinavinaka vua na nodra Kalou na veikalou, Ni sa sega ni mudu na nona loloma tudei.

³ Ni vakavinavinaka vua na nodra Turaga na veituraga; Ni sa sega ni mudu na nona loloma tudei.

⁴ Sa i koya duadua ga sa kitaka na cakacaka mana lelevu; Ni sa sega ni mudu na nona loloma tudei.

⁵ Sa bulia na lomalagi o koya ena nona yalomatua, Ni sa sega ni mudu na nona loloma tudei.

⁶ Sa bulia na vuravura ena wasa titobu, Ni sa sega ni yalani na nona loloma tudei.

⁷ Sa bulia na matanisiga kei na vula o koya; Ni sa sega ni mudu na nona loloma tudei.

⁸ Na matanisiga me lewa na siga; Ni sa sega ni mudu na nona loloma tudei.

⁹ Na vula kei na veikalokalo me lewa na bogi; Ni sa sega ni mudu na nona loloma tudei.

¹⁰ Sa vakamatea o koya na nodra ulumatua tagane na kai Ijipita, Ni sa sega ni mudu na nona loloma tudei.

¹¹ Sa kauti ira tani mai na Isireli mai Ijipita, Ni sa sega ni mudu na nona loloma tudei.

¹² Ena ligana kaukauwa, ena ligana qaqa; Ni sa sega ni mudu na nona loloma tudei.

¹³ Sa wasea rua o koya na wai ena Wasa Damudamu; Ni sa sega ni mudu na nona loloma tudei.

¹⁴ A sa liutaki ira yani kina na nona tamata o koya; Ni sa sega ni mudu na nona loloma tudei.

¹⁵ A sa luvuci tui Ijipita kei na nona mataivalu o koya, Ni sa sega ni mudu na nona loloma tudei.

¹⁶ Sa liutaki ira yani na nona tamata ena vanua dravuisiga o koya, Ni sa sega ni mudu na nona loloma tudei.

¹⁷ Sa vakamatei ira na tui qaqa o koya, Ni sa sega ni mudu na nona loloma tudei.

¹⁸ Sa vakamatei ira na tui rogo o koya; Ni sa sega ni mudu na nona loloma tudei.

¹⁹ O Sioni na nodra tui na Amoraiti, Ni sa sega ni mudu na nona loloma tudei,

²⁰ Kei Oki na tui Pasani, Ni sa sega ni mudu na nona loloma tudei.

²¹ A sa solia na nodra vanua o koya vei ira na nona tamata; Ni sa sega ni mudu na nona loloma tudei.

²² Sa solia vei Isireli na nona dauveiqaravi o koya, Ni sa sega ni mudu na nona loloma tudei.

²³ A sega ni guilecavi keda o koya ni da a vakaloloma tu; Ni sa sega ni mudu na nona loloma tudei.

²⁴ Sa vagalalataki keda mai vei ira na keda meca, Ni sa sega ni mudu na nona loloma tudei.

²⁵ Sa i koya sa solia na kedra na tamata kei na manumanu kecega; Ni sa sega ni mudu na nona loloma tudei.

²⁶ Ni vakavinavinaka vua na Kalou ni lomalagi, Ni sa sega ni mudu na nona loloma tudei.