NA SAME 132 - Vakavakadewa Vou kei na iVola tale eso

¹ Kemuni Jiova, ni kakua ni guilecavi Tevita, Kei na cakacaka kecega sa cakava o koya.

² Ni nanuma, i Jiova, na veika sa yalataka o koya, Kei na nona bubului vei kemuni, na Kalou Kaukauwa i Jekope:

³ “Au na sega ni lako ki na noqu vale se la'ki davo ena i davodavo,

⁴ Au na sega ni vakacegu se moce,

⁵ Me yacova ni'u sa cakava e dua na vanua me nei Jiova, E dua na i tikotiko me nona na Kalou Kaukauwa i Jekope.”

⁶ Keimami a rogoca ni tiko na Kato ni Veiyalayalati mai Peceliema, Ka kunea ena buca mai Jiari.

⁷ Keimami a kaya, “Me da lako mada ki na vale i Jiova, Me da la'ki ia na sokalou ena mata ni nona i tikotiko vakatui.”

⁸ Ni lako mai, i Jiova, ki na nomuni vanua ni vakacegu, Oi kemuni kei na nomuni Kato ni Veiyalayalati, Na i vakatakilakila ni nomuni qaqa, ka tiko vakadua ga e ke.

⁹ Me ra kacivaka na bete ni o ni sa vakabulai ira na nomuni tamata, Ka me ra kaila kece na nomuni tamata ena reki!

¹⁰ O ni a cakava e dua na vosa ni yalayala vei Tevita o koya na nomuni tamata, Ni kakua ni biuta tani na tui o ni sa digitaka, i Jiova.

¹¹ O ni a bubului vei Tevita, Ia, o ni na sega ga ni vakasuka lesu tale: “Au na digitaka e dua vei ira na luvemu me tui, Ena tui me na sosomitaki iko.

¹² Kevaka era na dina tiko na luvemu tagane ki na noqu veiyalayalati, Kei na i vakaro au solia vei ira, Era na muri iko talega na luvedra me ra tui ena veigauna kecega.”

¹³ Sa digitaki Saioni o Jiova; Sa vinakata me cakava na nona i tikotiko e kea.

¹⁴ “Au na tiko ena vanua oqo ka sega ni mudu; Oqo na vanua au vinakata me'u tiko kina.

¹⁵ Au na vakalougatataki Saioni ena ka kecega e vinakata, Ka'u na vakamamautaki ira na lewena ena kakana.

¹⁶ Au na tukuna vei ira na kena bete, me ra vunautaka ni sai au, Au veivakabulai, ka ra na sere ka kaila na lewena ena marau.

¹⁷ Au na lewa me tui e ke e dua na kawa i Tevita; Au na maroroya e ke na nona veiliutaki na noqu tui digitaki.

¹⁸ Au na vakaisulutaki ira na kena meca ena madua, Ia na nona matanitu ena levu ka toro cake.” A Sere ni cabecabe. A nei Tevita.