NA SAME 128 - Vakavakadewa Vou kei na iVola tale eso

¹ Sa kalougata o ira era sa rerevaki Jiova, O ira era sa muria na nona i vakaro.

² Ni o ni na kana ga mai na vua ni cakacaka ni ligamuni; O ni na qai marau kina, io ena lako vakavinaka vei kemuni.

³ Na watimu ena vaka e dua na vunivaini vuavua i vinaka ena nomu loma ni vale; Na luvemu era na vaka na vuniolive gone sa wavolita na nomu teveli.

⁴ Na tamata sa talairawarawa vei Jiova, Ena vakalougatataki dina sara me vakaoqo.

⁵ Me vakalougatataki iko na Kalou mai Saioni. Mo raici Jerusalemi ni sa toro cake, Ena veisiga kecega ni nomu bula.

⁶ O na bula tiko mo na raici ira na makubumu. Me qai yaco ga na tiko veisaututaki e Isireli! A Sere ni cabecabe.