NA SAME 126 - Vakavakadewa Vou kei na iVola tale eso

¹ E a vaka ga na tadra, Na nona kauti keimami lesu o Jiova ki Saioni.

² Sa ka levu na neimami dredre, ka levu na neimami laga sere ena marau. Ia, era a qai kaya ga na veimatanitu tani me baleti keimami, “Sa cakava dina na veika lelevu o koya ena vukudra!”

³ Sa cakava dina na veika lelevu o koya ena vukuda Ka sa ka levu na neimami marau.

⁴ Kemuni Jiova ni kauti keimami lesu ki na neimami vanua, Me vaka na kena kauta lesu mai na nomuni uca na wai me vakalesui ki na veiuciwai sa maca tu.

⁵ O ira sa tagitagi voli ga ni ra teiteivaki se kakaburaki i tei, Era na qai tatamusuki ga ena reki!

⁶ O ira era sa tagi voli ni ra sa kauta yani na nodra i tei, Era na qai lesu mai ena sere kei na marau, Ni ra sa kauta mai na matua ni qele sa tamusuki. A Sere ni cabecabe. A nei Solomoni.