NA SAME 125 - Vakavakadewa Vou kei na iVola tale eso

¹ O ira era vakararavi vei Jiova sa vaka na ulunivanua o Saioni, Era sega ni yavalata rawa, ia sa tudei ga ka sega ni mudu.

² Me vaka na kena wavoliti Jerusalemi na veiulunivanua, Sa wavoliti ira vakakina na nona tamata o Jiova, ena gauna oqo ka sega ni mudu.

³ Ena sega ni ra lewa tikoga na tamata ca na nodra vanua na yalododonu, Kevaka e mani vakakina, era na rawa ni caka ca na yalododonu.

⁴ I Jiova, ni caka vinaka ga vei ira sai valavala vinaka, O ira era sa muria tiko na nomuni vakaro.

⁵ Ia, ni totogitaki ira ga era muria tikoga na nodra i tovo ca, Mo ni totogitaki ira talega sa biuta vakatikitiki na nomuni sala. Me qai yaco ga na tiko sautu e Isireli! A Sere ni cabecabe.