NA SAME 122 - Vakavakadewa Vou kei na iVola tale eso

¹ Au a marau ni ra kaya vei au, “Me da mai lako ki na vale i Jiova”

² Ia oqo eda sa tiko e ke, Ka tu ena loma ni matamata ni koro o Jerusalemi.

³ O Jerusalemi e dua na koro sa tara vou tale, Sa tuvai vakavinaka ka ra veiyaloni.

⁴ Sa i koya oqo na vanua era lako yani kina na veimataqali; O ira na veimataqali ni Isireli, Me vaka sa vakaroti vei ira.

⁵ Sa i koya oqo na vanua e tiko kina na vanua ni veilewai, Na vanua e dau lewai ira kina na nona tamata na tui.

⁶ Ni masulaka me yaco na sautu e Jerusalemi, “Me ra tiko vinaka o ira era lomani kemuni.

⁷ Me yaco na tiko sautu ena nomu lomanibai, Ka taqomaki vinaka na nomu veivale vakatui.”

⁸ Au sa kaya ki Jerusalemi ena vukudra na wekaqu kei na kai noqu, “Me yaco vei iko na vakacegu.”

⁹ Au sa masulaka na nomu toro cake, Ena vuku ni vale i Jiova, na noda Kalou.