NA SAME 120 - Vakavakadewa Vou kei na iVola tale eso

¹ Ena gauna ni noqu rarawa, au a masu kina vei Jiova, Sa qai sauma mai na noqu masu o koya.

² Ni vakabulai au Jiova, Mai vei ira na tamata lasulasu kei ira na dauveivakaisini!

³ Kemuni na dau lasulasu, a cava ena vakayacora vei kemuni na Kalou? Ena totogitaki kemuni cakacava o koya?

⁴ Ena gasau ni dakaititi gagata ga e nodra na sotia qaqa, Kei na qilaiso katakata sa waqa tu.

⁵ Na ca ni tiko ena kemuni maliwa e vaka na ca ni tiko mai Meseki, Se ena kedra maliwa na kai Kitari.

⁶ Sa rui dede na noqu bula vata kei ira na tani, Era sa cata ga na bula vakacegu.

⁷ Ni'u sa tukuna voli na tiko sautu, Era sa vinakata ga na i valu. A Sere ni cabecabe.