NA SAME 114 - Vakavakadewa Vou kei na iVola tale eso

A Sere ni Lakosivia

¹ Ena gauna era a biuti Ijipita mai kina na Isireli; Era a biuta mai kina na vanua tani na kawa i Jekope,

² Sa yaco o Juta me nona matatamata tabu, Ka yaco me nona matanitu o Isireli.

³ Sa raica na Wasa Damudamu ka sa dro; Ka sa tu vakadua na wai ni Joritani.

⁴ Era sa rika na veiulunivanua me vaka na me, Ka ra rika na veidelana me vaka na sipi.

⁵ Na cava sa manati iko Wasawasa o sa dro kina? Na cava sa manati iko Joritani o sa tu vakadua kina?

⁶ Na cava o ni sa rika kina na veiulunivanua me vaka na me? Na cava o ni sa lade kina na veidelana me vaka na sipi?

⁷ Mo sautaninini na vuravura ni sa lako mai na Turaga, Ena mata ni Kalou i Jekope,

⁸ O koya sa vukica na vatu me veitobu wai, Kei na vatu kaukauwa me veimata ni wai.