NA SAME 113 - Vakavakadewa Vou kei na iVola tale eso

Vakacaucautaka na Vinaka i Jiova

¹ Dou ia vei Jiova na vakavinavinaka! Dou vakavinavinaka, oi kemudou na dauveiqaravi i Jiova, Dou laveta cake na yaca i Jiova.

² Me rokovi na yaca i Jiova, Ena gauna oqo ka sega ni mudu!

³ Mai na tokalau me yaco ki na ra Me vakacerecerei na yaca i Jiova!

⁴ Sa lewa o Jiova na veimatanitu kecega, Ka sa sivita na lomalagi na nona lagilagi.

⁵ Sa sega e dua sa tautauvata kei Jiova na noda Kalou, O koya sa tiko mai cake,

⁶ Ia sa rai sobu mai Me raica na lomalagi kei na vuravura.

⁷ Sa laveti ira cake mai na dravudravua mai na kuvu ni soso, Ka vueti ira cake na vakaloloma mai na nodra leqa;

⁸ Me vakatikori ira vata kei ira na luvenitui, O ira na luvenitui ni nona tamata.

⁹ Sa dokai koya na marama sa sega ni vakaluveni ena nona vale; Ka vakamarautaki koya ena nona solia me vakaluveni. Me vakavinavinakataki ga o Jiova!