NA SAME 112 - Vakavakadewa Vou kei na iVola tale eso

Na Marau ni Tamata Vinaka

¹ Me vakacaucautaki o Jiova! Sa kalougata na tamata sa rerevaki Jiova, Ka sa taleitaka me vakayacora na nona i vakaro.

² Era na kaukauwa na nona kawa e vuravura; Era na kalougata na nona kawa na tamata yalododonu.

³ Na nona vuvale ena sautu ka vutuniyau, Ka na sega ni mudu na nona tiko vinaka.

⁴ Sa basika ga na rarama ena tikina butobuto vei ira na yalododonu, Vei ira era sa yalovinaka, yalododonu, ka i tovo vinaka;

⁵ Sa kalougata na tamata dausoli ka ena yalovinaka, Ka sa qarava ena yalodina na nona cakacaka.

⁶ Ena sega ni yavalati rawa na tamata vinaka, Ka na sega ni guilecavi o koya.

⁷ Ena sega ni rere o koya ni rogoca na i tukutuku ca; Sa tudei na nona vakabauta ka sa vakadinati Jiova o koya.

⁸ Sa sega ni nuiqawaqawa se rere o koya, Sa yalo dei ni na raica na nodra druka na kena meca.

⁹ Sa soli ka vakalevu vei ira na dravudravua, Ka sa sega ni mudu na nona yalovinaka; Ena qaqa ka dokai o koya.

¹⁰ Ena raica na ka oqo na tamata ca ka na cudru kina, Ena kati bati, ka na takali yani, Na ka era gadreva na tamata ca ena sega ni yaco.