NA SAME 108 - Vakavakadewa Vou kei na iVola tale eso

¹ Kemuni na Kalou, sa dei vakavinaka sara na yaloqu! Au na laga sere ga ka vakacaucautaki kemuni! Mo yadra cake mada, na yaloqu!

² Drau yadra mai, na api kei na soliteri! Au sa na vakayadrata na matanisiga!

³ Au na vakavinavinaka vei kemuni Jiova, ena kedra maliwa na veimatanitu, Au na vakacaucautaki kemuni ena kedra maliwa na tamata.

⁴ Ni sa sivia na cere ni lomalagi na nomuni loloma tudei, Ka sa la'ki tara na o na nomuni yalodina.

⁵ Kemuni na Kalou, ni vakaraitaka na nomuni cecere ena maliwa lala, Kei na nomuni lagilagi ena vuravura taucoko!

⁶ Ni vakabulai keimami ena nomuni kaukauwa; ni sauma mai na noqu masu, Me ra vakabulai kina na tamata o ni sa lomani ira.

⁷ A sa kaya na Kalou ena nona vale tabu, “Au na wasei Sikemi ena qaqa, Ka'u na vota na buca o Sikemi vei ira na noqu tamata.

⁸ Sa noqu o Kiliati, ka noqu talega o Manasa; Sa noqu i sala kaukamea o Ifereimi, Ka noqu i titoko vakatui o Juta.

⁹ Ia, au sa vakayagataki Moapi me noqu beseni ni vuluvulu; Kei Itomi me noqu kisi ni vava, Ka'u na kaila ena qaqa vei Filisitia.”

¹⁰ O cei ena kauti au ki na veikoro vakabai? O cei ena kauti au ki Itomi?

¹¹ Kemuni na Kalou, o ni sa cati keimami dina li? O ni na sega li ni lako vata yani kei ira na neimami mataivalu?

¹² Ni vukei keimami ena neimami valuti ira na keimami meca, Baleta ni a sega ni yaga ga na veivuke vakatamata.

¹³ Ni da sa tovata kei na Kalou, eda na rawata ga na qaqa, Ena vakadrukai ira na keda meca o koya. Vua na i liuliu ni sere. A nei Tevita. A Same.