NA SAME 1 - Vakavakadewa Vou kei na iVola tale eso

Ai Matai ni Vola ( Same 1–41 ) Na Sala ki na Marau

¹ Sa kalougata o ira na tamata Sa bese ni muria na nodra i vakasala na tamata ca, Se vakadadamuri ira sai valavala ca, Se dabe ena nodra i dabedabe na dauveivakalialiai.

² Ia, era sa rekitaka ga na Lawa i Jiova, Ka ra vakadikeva ena siga kei na bogi.

³ Era sa vaka na veivunikau sa tei ena bati ni uciwai, Sa vuataka na vuadra ena kena gauna, Ka sa sega ni malai na drauna. Era na rawata na veika kece sara era sasagataka.

⁴ Ia era sa sega ni vakaoqo o ira na tamata ca; Era sa vaka ga na qa ni sila sa uvuca tani na cagi.

⁵ Ni na cudruvi ira na tamata ca na Kalou Ka tawasei ira tani mai vei ira na yalododonu.

⁶ Ni sa liutaki ira ka taqomaki ira na yalododonu o Jiova, Ia na nodra sala na tamata ca sa tini ga ena rusa.