Malakai 4 - Vakavakadewa Vou kei na iVola tale eso

Na Siga Cecere i Jiova

¹ A sa kaya o Jiova ni lewevuqa, “Sa toro voleka mai na siga me ra na vakamai kina me vaka na qa ni sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo.

² Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba.

³ O ni na vakamalumalumutaki ira na tamata ca, me ra na qai vaka ga na kuvu ni soso o ni butuka tu, io, oqori ena siga au sa vakayaco ka kina.

⁴ “Ni nanuma tiko na i vakavuvuli i Mosese na noqu tamata, na lawa kei na i vakaro ka'u a solia vua mai na Ulunivanua o Saineai me ra talairawarawa kina na Isireli kecega.

⁵ Ia au na tala me lako mai vei kemuni o Ilaijia na parofita ni se bera ni yaco mai na siga rerevaki oqo.

⁶ Ena vakaduavatataki ira na tama kei ira na gone o koya; kevaka e sega o ya, ke'u a sa lako oti yani oi au me'u vakarusa na nomuni matanitu.”