Jope 25 - Vakavakadewa Vou kei na iVola tale eso

¹ A qai vosa o Vilitati, ka kaya,

² Sa kaukauwa na Kalou: Me rerevaki koya na tamata kecega; Sa raica matua o koya Me tiko sautu na nona matanitu vakalomalagi.

³ E dua beka e rawa ni wiliki ira Na agilosi era dau qaravi koya? E dua beka na vanua e sega ni cila kina na rarama ni Kalou?

⁴ E rawa beka ni dua e dodonu ka savasava ena mata ni Kalou?

⁵ Ena rai ni Kalou, na vula mada ga e sega sara ga ni rarama, Se me ra savasava sara na veikalokalo.

⁶ Sa na qai vakacava sara mada na bacaniqele o ya, Na manumanu somidi sa vakatokai na tamata? A cava e betena na tamata ena mata ni Kalou?