Isikeli 4 - Vakavakadewa Vou kei na iVola tale eso

Cakava o Isikeli na Buku Druadrua kei Jerusalemi

¹ A sa kaya na Kalou, “Luve ni tamata, mo taura e dua na biriki ka vakotora e matamu. Mo qai vakatakarakarataka e delana e dua na koro levu, o Jerusalemi.

² Mo qai bulia kina na veigacagaca ni buku druadrua, ka cakava na kena i keli, na kena bini vata na qele, na kena keba, ka qai tuvana wavokita na i tukituki-ni-bai vatu.

³ Mo kauta e dua na vava kaukamea, ka vakaduria me vaka na lalaga kaukamea ena kemudrau maliwa o iko kei na koro; ia me qara kina na matamu, sa buku na kena druadrua ka sai iko sara ga o sa bukia tiko na kena druadrua. Oqo na i vakatakilakila ki na mataqali i Isireli.

⁴ “Ia mo davo vakanatutu ena yasamu i mawi, mo na qai cola na nodra caka cala na matanitu o Isireli; ia me vaka na i wiliwili ni siga o na bika tiko kina, ena vaka talega kina na dede ni siga ni nomu colata tiko na nodra caka cala.

⁵ Ni'u sa tauca vei iko e dua na i wiliwili ni siga, e 390 na siga, me tautauvata kei na i wiliwili ni yabaki ni nodra totogitaki. Io, ena vakakina na nomu colata tiko na nodra caka cala i Isireli.

⁶ Ia ni o sa vakacavara oqori, mo na qai koto tale ka bika na yasamu i matau, mo colata tiko na kedra i totogi na Juta, ka'u sa lesia vei iko me 40 na siga — me dua na siga me kena i sosomi e dua na yabaki.

⁷ “Mo qai wanonova mada na kena buku na druadrua kei Jerusalemi. Mo buli i vacu vua na koro o Jerusalemi, ka vunauca.

⁸ Raica, ka'u na vesuki iko ena dali, o na sega kina ni veivukiyaki rawa me yacova sara ni o sa vakacavara na veisiga ni nomu buku druadrua.

⁹ “Mo kauta talega eso na witi, na barile, na vua-ni-bini, na bini damu, kei na sila, ka biuta ena dua na beseni, ka cakava kina na kemu madrai. Mo kania tiko oqo ena loma ni bogi 390 ni nomu davo koto vakanatutu ena yasamu i mawi.

¹⁰ Ena vakarautaki na kena bibi na kakana mo dau kania, ena 230 na karamu na madrai ena veisiga yadua.

¹¹ Ena vakarautaki talega na levu ni wai mo gunuva, ena rua ga na bilo ena veisiga yadua.

¹² Mo qai cakava e dua na matadravu ka me kena buka na benu mamaca ni tamata, ka mo vavia kina na keke-barile, ka kania e matadra na lewe levu.”

¹³ A sa kaya o Jiova, “Ena vakaoqo na nodra kania na kedra madrai sa sega ni savasava o ira na Isireli ena kedra maliwa na veimatanitu, ka'u na vakasavi ira kina.”

¹⁴ Au a qai kaya, “E sega sara, oi kemuni na Turaga na Kalou! Au se sega mada ni bau vakadukadukalitaki na yagoqu. Me vakatekivu mai na gauna au a se gone kina ka yacova na siga oqo, au se sega mada ni kania e dua na lewe ni manumanu mai na kena e mate ga vakadodonu se na kena e dresulaki mai na manumanu kila. Au se sega vakadua ni kania na kakana sa okati me tawa savasava.”

¹⁵ A sa qai kaya vei au, “Raica, ena ka oqo ka'u na vakatara kina vei iko mo vakayagataka na benu ni bulumakau me i sosomi ni benu ni tamata, me nomu buka me na vavi kina na kemu madrai.”

¹⁶ A sa kaya tale vei au o koya, “Luve ni tamata, raica, au na muduka na i vurevure ni madrai mai Jerusalemi. Era na qai kana madrai mai na kena i vakarau ena dela ni rere, ka ra gunu wai ena kena i vakarau ka didivaka.

¹⁷ Ka'u sa na cakava kina oqo me takiveiyaga na madrai kei na medra wai, ka me ra veiwanonovi ena domobula, ka lutu na yagodra ena vuku ni nodra i valavala ca.”