Esiteri 10 - Vakavakadewa Vou kei na iVola tale eso

Tukutuku Cecere me Baleti Motekai

¹ A qai lavaka o Asuerosi na tui me ra vakacakacakataki na i vakacavacava ena vanua kei na veiyanuyanu e wasawasa.

² Na i tukutuku ni nona kaukauwa kei na qaqa kei na i tukutuku taucoko ni nona laveti Motekai cake, e sega li ni ra a volai kece tu ena nodra i vola na tui Perisia kei Mitia?

³ O Motekai a tarava sara ga na tui ena i tutu vakamatanitu. A turaga levu o koya vei ira na Jiu ka kilai levu sara talega vei ira e lewe vuqa na kai nona ena vuku ni nona sasagataka na nodra tiko vinaka na wekana kei na nodra taqomaki ena veitabatamata mai muri.