Dauveilewai 19 - Vakavakadewa Vou kei na iVola tale eso

O Livai kei na Watina Lailai

¹ Ena gauna o ya, ni bera ni ra qai vakatui na Isireli, a tiko kina e dua na tamata mai na mataqali i Livai ka tiko vakayawa sara ena veidelana ena vanua o Ifereimi. A vakawatitaka e dua na yalewa mai Peceliema e Juta me i karua ni watina, se watina lailai.

² A mani cudruva na watina ena dua na gauna, ka mani lesu tale ki na vale i tamana ki Peceliema ka tiko kina me va na vula.

³ A qai nanuma o watina me muri koya ka tovolea me vakamasuta me lesu tale vua. A kauta na nona tamata kei na rua na asa ka lako yani. A kauti koya na Livai na goneyalewa ki na vale i tamana, ia ni raici koya o tamana, a kidavaki koya ena yalo vinaka.

⁴ A cikevi koya o tama i yalewa me tiko ga, e rau mani tiko tale me tolu na siga.

⁵ Ena mataka cake ena i ka va ni siga e ratou a yadra sara vakamataka lailai ka vakarau me ratou lesu tale. A qai kaya na tama i yalewa vua na Livai. “Mo dou katalau mada, ni vinaka vei kemudou, mo dou qai lako malua.”

⁶ Era a mani dabe sobu tale, kana, ka gunu. A qai kaya vua o tama i yalewa, “Ni yalo vinaka mo ni tiko tale mada edaidai, ka vakacegu.”

⁷ A tucake na Livai me lako, a qai cikevi koya tikoga na vugona me tiko tale, a mani tiko tale me dua na bogi.

⁸ Ena mataka caca, a vakavakarau me sa lako, ia a kaya o tama i yalewa, “Mo kana tale mada, yalo vinaka. Mo wawa me siga levu.” E rau a mani kana tale na lewe rua.

⁹ Ia ni ratou sa vakarau lako, na Livai, na watina lailai kei na nona tamata, a kaya o tama i yalewa, “Raica sa voleka ni yakavi mai, ena vinaka cake mo dou tiko tale mada ena bogi edaidai. Sa roro mai na buto, dou tiko tale mada ka marau tiko. Ena mataka mo dou qai sou ka lesu yani ki nomudou.”

¹⁰ A sega tale ni via tiko e kea na Livai, ka sa mani lako yani, kei na watina lailai, na nodrau dauveiqaravi, na nodrau asa kei na i yaya.

¹¹ A sa siga levu sara ni ratou a volekati Tepusi yani, o ya e Jerusalemi, a qai kaya na nodratou tamata vua na nona turaga, “E vakacava me datou sa cegu e ke ka moce volekata na nodra koro na Jepusaiti?”

¹² A mani kaya vua na nona turaga, “E datou na sega ni vakacegu ena dua na koro ka sega ni nodra na Isireli.

¹³ Me datou lako tikoga vakalailai tale ki liu, ka me datou qai la'ki vakacegu ki Qibea se ki Rama.”

¹⁴ E ratou a lako siviti Tepusi ka toso tikoga ki na nodra vanua na Penijamini.

¹⁵ E ratou a gole tani mai na gaunisala levu ka gole yani me vakacegu e kea ena bogi. E ratou a gole yani ki na koro ka la'ki dabe ena vanua ni soqo, ia a sega ni dua e sureti iratou ena bogi o ya ki na nona vale.

¹⁶ Ena nodratou tiko e kea, a lako tavali e dua na qase, ni suka tiko mai ena nona i teitei. A nona vanua dina na vanua veidelana kei Ifereimi, ia oqo a mai vakaitikotiko e Qibea. Ia vei ira era tiko e kea, era mata tamata ena mataqali i Penijamini.

¹⁷ A raici iratou na qase na tiko ena vanua ni soqo ka kila ni ratou vulagi, ka tarogi iratou, “O dou sa lako mai vei? O dou lako tiko ki vei?”

¹⁸ A sauma na Livai, “Keitou sa tiko mai Peceliema e Juta, ka keitou sa lesu tale tiko ki neitou ena veidelana mai Ifereimi. Ia sa sega ni dua e sureti keitou ki vale ena bogi oqo.

¹⁹ E dina ga ni sa tu na ka me vakani ka vagunuvi kina na neitou manumanu ka tu talega na kakana me kania na watiqu lailai, na noqu tamata kei au; sa tu kece na veika me keitou bula kina.”

²⁰ A sa kaya na qase, “Au sa sureti kemudou ki na noqu vale! Au na maroroi kemudou; e sega ni vinaka mo dou tiko ena bogi ena vanua ni soqo oqo.”

²¹ A qai kauti iratou ki vale na vulagi ka vakania na nodratou asa. E ratou a vakasavasavataki iratou na nona vulagi ka kana.

²² Ia ni ratou kana ka marau tiko, a vakasauri na nodra a lako mai eso na tamata i tovo vakasisila ni koro oqo ka mai tu wavolita na vale ka tukitukia na katuba. Era a kaya vua na i taukei ni vale, “Kauti koya mai na tagane ka tiko e vale; keimami vinakata me moceri koya.”

²³ A lako ki tautuba na i taukei ni vale ka kaya vei ira, “Ni kakua ni caka ca na wekaqu! Ni yalo vinaka ni kakua ni vakayacora na ca oqo! Na tamata oqo e noqu vulagi.

²⁴ Raica! Oqo na watina lailai kei na luvequ yalewa, ka sa sega ni bau mocera e dua na tagane. Au na kauti rau mai vei kemuni, ni vakayacora vei rau na ka ga o ni vinakata. Ia ni kakua ni vakayacora na ka ca levu oqo vua na tagane oqo!”

²⁵ Ia era a sega ni via vakarorogo vua na tamata. A qai lako mai na Livai ka kauta na watina lailai ka biuti koya ki tautuba vei ira. Era a qai kucuvi koya ka vakacacani koya ena bogi taucoko, ka sega ni cegu me yacova sara na mataka.

²⁶ Ena mataka, a lako mai na yalewa ka taubitalaki koya ena nona mata ni katuba na qase, ka tiko kina na watina. A davo tu e kea ni sa mataka rarama na vanua.

²⁷ A yadra ka duri cake na watina, ia ni a dolava na katuba me lako yani, a kunei koya na watina lailai ni a davo koto ena mata ni katuba, ka dodoka tu yani na ligana ki na katuba.

²⁸ A sa kaya vua, “Mo duri cake, me datou lako.” A sega ni vosa o koya. A mani vakavodoki koya ki na nona asa ka lako yani ki na nona vale.”

²⁹ Ni yaco ki na nona vale, a curu yani ka kauta mai na i sele. A taura na yago i na watina lailai, ka musumusuka me tinikarua na kena i wasewase, ka vakauta yani, me ra yadua na tikina na tinikarua na mataqali i Isireli.

³⁰ O ira kecega era raica, era a kaya, “Keimami sega ni sa bau rogoca vakadua me bau vakayacori na veika oqo! E sega ni bau caka vakadua na ka oqo me tekivu mai na gauna era lako mai kina na Isireli mai Ijipita! E dodonu me da cakava e dua na ka ena vuku ni ka oqo? A cava me da vakayacora?”