Dauveilewai 18 - Vakavakadewa Vou kei na iVola tale eso

O Maika kei na Mataqali i Tani

¹ A sega tu ni dua na tui e Isireli ena gauna o ya. Ena gauna vata talega o ya, era a vakasaqaqara vanua tiko kina na mataqali i Tani me ra taukena, ni ra a sega ni vota ena qele ni mataqali i Isireli.

² Ia o ira na mataqali i Isireli era a qai digitaka e lima na tamata a vakarautaki mai na vuvale ni nodra mataqali era a qai vakatalai iratou yani mai na koro o Sora kei Esitaoli ena i vakasala me ratou vakaraica mada na vanua. Ni ratou yaco yani ena vanua veidelana e Ifereimi, e ratou a la'ki tiko ka cegu ena vale i Maika.

³ Ena nodratou tiko e kea e ratou vakila, na duidui ni vosa nei koya na Livai gone, e ratou a qai lako vua ka tarogi koya, “A cava o cakava tiko e ke?”

⁴ A sauma, “Sa dua tiko na veivosaki keirau a cakava kei Maika, ni na saumi au me'u qaravi koya me'u nona bete.”

⁵ E ratou a kaya vua, “Ni yalo vinaka ka taroga na Kalou se keitou na rawata beka na ka keitou talai kina ena i lakolako oqo?”

⁶ A sauma na bete ka kaya, “E sega ni dodonu mo dou lomaleqa. Sa raica ka taqomaka tiko na nomudou i lakolako o Jiova.”

⁷ E ratou a mani lako yani na lewe lima oqo ki na koro o Laisi. E ratou a raica na nodra tiko vinaka na tamata era tiko e kea, me tautauvata kei ira na kai Saitoni. Era tiko vakacegu ka tiko malua ga ka ra sega ni dauveileti kei ira na tamata, e sega ni dua na ka era leqa kina, ka ni tu vei ira na ka era gadreva. Era tiko vakayawa mai vei ira na kai Saitoni, ka ra sega ni dau veitaratara kei ira na tamata tale eso.

⁸ Ni ratou suka tale ki Sora kei Esitaoli na lewe lima oqo, era a tarogi iratou mai na nodratou lewenivanua se cava e ratou sa kunea mai.

⁹ “Me lako” e ratou a sauma, “Me da valuti Laisi. Keitou a raica na vanua, sa vanua vinaka sara. Me da kakua ni tiko kece ka sega ni cakava e dua na ka, me da vakatotolo! Me da curu yani, ka taura!

¹⁰ Ni da yaco ki kea, era na sega ni nanumi keda vakaca na tamata. Sa vanua levu dina, sa tu kece kina na ka e vinakata e dua, oqo na ka sa solia vei kemuni na Kalou.”

¹¹ E rauta ni ono na drau na tamata mai na mataqali i Tani, era a lako tani mai Sora kei Esitaoli, me ra vakarau ena i valu.

¹² Era a lako cake ka la'ki tiko mai Kiriaci Jiarimi mai Juta. Oqo na vuna e sa yacana tikoga kina na vanua o ya e daidai me Nodra i Tikotiko na Mataqali o Tani.

¹³ Era sa biuta na vanua o ya ka lako cake ki na vale i Maika ena veidelana kei Ifereimi.

¹⁴ Ia o iratou na lewe lima ka ratou a la'ki yamatataka na vanua o Laisi, e ratou a qai kaya vei ira na nodratou i tokani, “O ni sa bau kila ni tiko ena dua na vale oqo e dua na matakau kau ka boroi ena siliva? Sa tu talega e ke na veimatakau tale eso kei na efoti. A cava o ni nanuma me da cakava?”

¹⁵ Era a qai lako ki na vale i Maika, ka tiko kina na Livai gone o ya, era a taroga na Livai se sa vakacava tiko?

¹⁶ Era a qai tu na lewe ono na drau na sotia, ka vakarautaki ira ena i valu, era a tu ena matamata ni koro.

¹⁷ E ratou a qai lako vakadodonu yani na lewe lima na yamata ka taura na matakau kau sa boro tu ena siliva, na matakau tale eso kei na efoti, ni sa tu na bete kei na lewe ono na drau na sotia ena matamata.

¹⁸ Ia ni ratou lako na tamata me tawa mai na matakau ena vale i Maika, a tarogi iratou na bete, “A cava o dou sa cakava?”

¹⁹ E ratou a kaya vua, “Mo tiko lo ga, ka kakua ni vosa, mo lako vata kei keimami me neimami bete ka daunivakasala. E sega li ni o vinakata mo bete ni yavusa taucoko o Isireli mai na bete ni dua ga na tamata?”

²⁰ Na ka oqo a marau kina na bete, a taura na veiyaya tabu ka lako vata kei ira.

²¹ Era a vuki yani ka vakatekivu vei ira na gone, na manumanu kei na veika era taukena ka ra gole yani.

²² A yawa sara na vanua era a lakova mai na vale i Maika, ni kacivi ira na weka i Maika me ra vala. Era a tarai ira yani na yavusa i Tani.

²³ A kailavaki ira yani. Era vuni na tamata ni yavusa i Tani ka tarogi Maika, “Na cava na leqa? O cei o ira oqo?”

²⁴ A sauma o Maika, “A cava na i balebale ni, cava na leqa? O ni sa kauta na noqu bete kei na kalou au a cakava. A cava sa qai vo vei au?”

²⁵ Era a qai kaya na tamata mai na mataqali i Tani, “Mo kakua ni vosa tale, de ra qai cudru na tamata oqo ka vakacacani iko. O na qai mate kei na nomu vuvale.”

²⁶ Era a qai lako yani, a raica o Maika ni ra sa rui kaukauwa vua, a mai vuni ga yani ka suka lesu tale.

²⁷ Ni ra kauta na tamata ni mataqali i Tani na bete kei na veika a cakava o Maika, era a qai lako ka valuti Laisi, na koro sautu o ya, ka ra tiko kina na tamata yalo vinaka ena buca mai Peceropi. Era a vakamatei ira na tiko kina ka vakama na koro.

²⁸ A sega ni dro bula e dua baleta ni a sega ni a yawa sara o Saitoni ka sega na veitaratara kei na dua na tamata. Era a qai tara tale na koro na kai Tani, ka tiko kina.

²⁹ Era a veisautaka na yacana me o Tani ka sega ni o Laisi; me veiyacani kei na nodra qase o Tani na luve i Jekope.

³⁰ Era a qai vakaduria na kai Tani na matakau me ra qarava, ia o Jonacani na luve i Kerisomi na makubui Mosese, me sa nodra bete na mataqali i Tani, kei na nona kawa me bete vei ira na Tani me yacova na gauna ni nodra kau vakabobula.

³¹ A tiko ga e kea na matakau i Maika ena veigauna kecega a tiko kina e kea na Valelaca sa qaravi kina na Kalou a tu e Sailo.