Dauveilewai 15 - Vakavakadewa Vou kei na iVola tale eso

Vakadrukai Ira na Filisitia o Samisoni

¹ Ena dua tale na gauna, a lako sobu o Samisoni me la'ki sikova na watina ena gauna ni tamusuki sila ka kauta voli yani vua e dua na luve ni me. A sa kaya vei tama i yalewa, “Au gadreva me'u lako ki na rumu i watiqu.” Ia a sega ni vakadonuya na ka oqo o tama i yalewa.

² A sa kaya vei Samisoni o koya, “Au nanuma ga ni o sa cati koya, ka'u sa soli koya vei nomu i tau. E yalewa matavinaka cake o tacina, ka'u na soli koya vei iko.”

³ A sauma o Samisoni ka kaya, “Ena gauna oqo, au na sega sara ni beitaki mai na veika au na vakayacora vei ira na kai Filisitia!”

⁴ A lako yani o Samisoni ka toboka e tolu na drau na fokisi, vesuka vata na buidra me ra lele yarua.

⁵ A vakawaqara na buidra ena buka ka laiva me ra cici yani ena nodra veiloga ni sila na kai Filisitia. Ena ka oqo, era sa vakamai kina na sila sa tamusuki oti tu, na kena era se bula voli, kei na veiloganivaini, ka vakakina na veiolive.

⁶ Era a taroga na kai Filisitia, “O cei sa vakayacora na ka oqo?” Era a kaya, “O Samisoni, na vugoi koya na kai Timinaci, baleta ni a solia na wati Samisoni me la'ki watina tale na nona i tokani.” Era a lako mai na kai Filisitia ka vakama na yalewa kei tamana ena bukawaqa.

⁷ A mani kaya vei ira o Samisoni. “Kevaka sai koya oqo na ka o ni vakayacora, au sa bubului ni'u na sega ni cegu me yacova ni'u sa sauma kece na veika oqo vei kemuni.”

⁸ A mokuti ira mate e lewe levu sara ena siga o ya, a qai lako yani me la'ki tiko ena qara vatu mai Etami.

⁹ Era a mani lako cake mai na ka i Filisitia ka mai keba e Juta, ka kabai Liai.

¹⁰ Era a kaya na turaga kei Juta, “A cava o ni sa mai vala kina kei keimami?” Era a kaya, “Keimami lako mai me vesuki Samisoni, me saumi vua na ka a cakava vei keimami.”

¹¹ Era a lako e lewe 3,000 vei ira na Juta ki na bari ni vatu e Etami ka ra kaya vei Samisoni, “O sa sega beka ni kila ni o ira na kai Filisitia era sa lewai keda tu? A cava o sa cakava vei keimami?” A sauma o koya ka kaya vei ira, “Era vakayacora vei au, na ka ga au sa vakayacora vei ira.”

¹² Era a kaya vua, “Keimami sa lako mai me vesuki iko, ka soli iko vei ira na kai Filisitia,” A sa kaya vei ira o Samisoni, “Ni yalayala vei au mo ni na sega ni vakamatei au.”

¹³ Era a qai kaya vua, “E sega, ia keitou na vesuki iko ga ka soli iko ki na ligadra, keitou na sega ni vakamatei iko.” Era a qai vesuki koya ena rua na dali vou, ka kauti koya tani mai na bari ni vatu.

¹⁴ Ia ni sa yaco mai Liai, era a lako kaikaila mai na kai Filisitia me sotavi koya. A sa curumi Samisoni na yalo i Jiova ka vakaukauwataki koya, ka musumusulaka na i vesu ni ligana kei na yavana me vaka na i vesu e vakamai.

¹⁵ A kunea e dua na sui ni galegale ni asa ka se qai mate ga. A sa cuva sobu ka tomika cake, ka mokuti ira mate kina e udolu na tamata.

¹⁶ A sa kaya o Samisoni, “Mai na sui ni galegale ni dua na asa au sa vakamatea kina e udolu na tamata; Mai na sui ni galegale ni dua na asa au a bini ira vata na i binibini.”

¹⁷ Ni vosa oti vaka o ya, a kolotaka na sui ni galegale ni asa, ka vakatoka na vanua o ya me o Remaci Liai.

¹⁸ A sa yaco me viagunu, ka sa kaci vei Jiova ka kaya, “O ni sa solia na qaqa oqo ki na ligana na nomuni tamata. Me'u sa mate beka ena gauna oqo ena karamaca, ka lutu ki na ligadra na tawa cili oqo?”

¹⁹ A sa dolava na Kalou e dua na tikina lolovira ena vanua o Liai, ka drodro mai kina na wai. Ia ni sa gunu oti, a sa lesu tale vua na yalona, ka bula tale. O koya oqo a yacana kina o Eniakori, ka se tiko ga mai Liai me yacova na siga oqo.

²⁰ A lewai Isireli o koya ena nodra gauna na kai Filisitia me ruasagavulu na yabaki.