Dauveilewai 12 - Vakavakadewa Vou kei na iVola tale eso

O Jefica kei Ira na Ifereimi

¹ Era a kacivi vata na tamata i valu i Ifereimi, ka ra takosova yani na vanua o Safoni ka kaya vei Jefica: “A cava o ni lako kina ka vala kei ira na luve i Amoni ka o ni sega ni kacivi keimami? Keimami na vakamai iko vata kei na nomu vale.”

² A sa kaya vei ira o Jefica, “Oi au vata kei ira na noqu tamata keimami a veileti kei ira na luve i Amoni, ni ra a vakacacani keimami sara vakaca. Ia ni'u kacivi kemuni, o ni a sega ni sereki au mai na ligadra,

³ Ia ni'u sa raica ni o ni sega ni sereki au rawa, au a laiva kina na noqu bula me'u lako yani ka valuti ira na luve i Amoni, ia o Jiova sa soli ira ki na ligaqu. A cava o ni sa lako cake mai kina ena siga oqo ka vala kei au?”

⁴ A vakasoqoni ira vata na nona sotia o Jefica, ka ra gumatua vei ira na Ifereimi, baleta ni ra kaya, “Oi kemuni na kai Kiliati, o ni sa lako ga mai ena loma i Ifereimi kei Manasa.

⁵ Ia o ira na kai Kiliati era sa taura taucoko na vanua ni tatakoso ena uciwai na Joritani ka veibasai kei na vanua o Ifereimi. Ia ni sa yaco me dua vei ira na se mai na i valu me lako mai ki na i tatakoso ena uciwai me kaya, “Laivi au me'u lako,” era na taroga na kai Kiliati, “O iko beka e dua na Ifereimi?” Kevaka sa kaya ni sega,

⁶ era na qai kaya vua, “Cavuta na vosa, Shiboleta,” ka qai cavuta na vosa “Siboleta,” baleta ni ra sega ni rawa ni cavuta rawa vakavinaka na vosa o ya. Era na qai vesuki koya ka vakamatea ena dua vei ira na i tatakoso ni uciwai na Joritani. E rauta ni 42,000 vei ira na Ifereimi era a mate ena siga o ya.”

⁷ A lewai ira na Isireli me ono na yabaki o Jefica. A mani mate o koya ka ra buluti koya ena nona koro e Kiliati.

O Ipisani, Eloni, kei Apitoni

⁸ A taravi Jefica o Ipisani na kai Peceliema me lewai ira na Isireli.

⁹ A tolusagavulu na luvena tagane. A soli ira na tolusagavulu na luvena yalewa me ra vakawati yani ena taudaku ni nona mataqali, ka kauti ira mai e tolusagavulu na goneyalewa mai na taudaku ni nona mataqali me watidra na luvena tagane. A lewai ira na Isireli me vitu na yabaki.

¹⁰ A mani mate o Ipisani ka bulu ga e Peceliema.

¹¹ A taravi koya o Eloni na kai Sevuloni me lewai Isireli, me tini taucoko na yabaki.

¹² A qai mate o Eloni na kai Sevuloni ka mani bulu e Eijaloni ena vanua o Sevuloni.

¹³ Ni oti o koya a tubu mai o Apitoni na luve i Ileli na kai Piraconi.

¹⁴ A vasagavulu taucoko na luvena tagane ka tolusagavulu na makubuna tagane, ka dauvodo ena asa e vitusagavulu, a lewai Isireli tu me walu na yabaki.

¹⁵ A qai mate o Apitoni na luve i Ileli na kai Piraconi, ka bulu e Piraconi ena vanua o Ifereimi, ena nodra vanua veidelana na Amalekaiti.