Aisea 25 - Vakavakadewa Vou kei na iVola tale eso

A Sere ni Veivakacaucautaki

¹ I Jiova, sai kemuni na noqu Kalou, Au na vakalagilagi kemuni Ka vakacaucautaka na yacamuni. O ni sa cakava oti na veika talei, O ni sa nakita sara mai liu, Na veika sa dina ka tudei.

² O ni sa cakava na veikoro me ra rusa, Ka vakarusa na kedra bai. Na nodra i tikotiko vakaturaga na kai tani, Sa takali yani vakadua.

³ Era na vakacaucautaki kemuni mai na Veimatanitu qaqa, Ka ra na rerevaki kemuni mai na veimatanitu rerevaki.

⁴ Era sa dro mai vei kemuni na tamata Dravudravua kei na vakaloloma, Ka ra sa mai taqomaki vei kemuni ena gauna ni leqa. O ni sa taqomaki ira mai na cagilaba, Ka vakarurugi ira mai na katakata. Ni sa vaka e dua na cagilaba batabata, Na nodra kaba mai na tamata i tovo kaukauwa,

⁵ Ka sa vaka na katakata ena vanua mamaca. Ia sai kemuni na Turaga o ni sa vagalui Ira na neimami meca, O ni sa vakaotia na nodra kaikaila na tamata i tovo kaukauwa, Me vaka na o sa vakaruguya e dua na siga katakata.

Sa Vakarautaka na Kalou na Magiti

⁶ Ena vakarautaka o Jiova ni lewevuqa ena ulunivanua oqo Na solevu ni kakana sau lelevu, kei na solevu ni waini makawa, Io na kakana sau lelevu sa sinai ena uro ni sui, Kei na waini makawa sa makare sara.

⁷ Ena vanua oqo ena kauta tani vakasauri kina o koya Na o ni rarawa sa ubia koto na veimatanitu kecega.

⁸ Ena qai vakarusai mate vakadua o Jiova, Ka na qusia na wai ni matadra kecega na tamata, Ka kauta tani na veivakamaduataki Era sota kaya na nona tamata e vuravura taucoko, Ni sai Jiova ga sa kaya vakaoqo.

⁹ Ena siga o ya era na kaya na tamata kecega, “Sa noda Kalou o koya! Eda sa waraki koya, Me mai sereki keda. Sa i koya oqo o Jiova; Me da mai reki ka marau Ena nona veivakabulai.”

Na Kalou ena Totogitaki Moapi

¹⁰ Ena taqomaka na ulunivanua o Saioni o Jiova, Ia era na buturaki sobu na kai Moapi Me vaka na co sa buturaki sobu ena i sovasova ni benu.

¹¹ Era na dodoka yani na ligadra me vaka era saga me ra qalo, Ia ena dreta sobu o Jiova na nodra dokadoka Vata kei na kaukauwa ni ligadra.

¹² Ena vakarusa na Kalou na bai cecere kei Moapi Ka basuraka sobu ki na qele.