Aisea 12 - Vakavakadewa Vou kei na iVola tale eso

A Sere ni Vakavinavinaka

¹ Ena yaco mai na siga era na lagata kina na tamata; “Au na vakacaucautaki kemuni Jiova! O ni a cudruvi au, ia oqo o ni sa vakacegui au Ka sa oti na nomuni cudru.

² Sa noqu i vakabula na Kalou; Au na vakadinati koya, ka sega ni rere. Sa solia vei au o Jiova na kaukauwa kei na qaqa; Sa noqu i vakabula o koya.

³ Me vaka na kena kauta mai na marau na wai, Vei koya sa viagunu, Era sa marau vakakina na tamata ni Kalou, Ni sa vakabulai ira o koya.”

⁴ Ena yaco mai e dua na siga era na seretaka kina na tamata, “Me ia na vakavinavinaka vei Jiova, Ka masuti na yacana. Tukuna yani ki na veimatanitu kecega na veika sa cakava. Tukuna yani vei ira na nona sa cecere sara!

⁵ Sere ena vakacaucau vei Jiova Me baleta na veika lelevu sa cakava. Me tukuni yani ki vuravura taucoko, Me ra rogoca na kena i tukutuku.

⁶ Kemuni kece mai Saioni, ni kaila ena masu! Sa cecere na nodra Kalou savasava na Isireli, Ka tiko voli kei ira na nona tamata.”