3 Joni 1 - Vakavakadewa Vou kei na iVola tale eso

¹ Mai vei koya na Qase ni Lotu — Kivei Keio, o koya ka'u sa lomana vakaidina.

² I noqu i tokani lomani, sa noqu masu ni na lako vakavinaka sara na veika kece me baleti iko, ka o na bulabula vinaka ka sega ni tauvimate — ni'u sa kila ni o sa bulabula vinaka tiko vakayalo.

³ Au sa marau vakalevu sara ni ra yaco mai eso na wekada ka ra mai tukuna na nomu sa dau yalodina ki na i tukutuku dina, me vaka ni o sa dau bulataka ga na dina.

⁴ Sa sega tale ni dua na ka sa kauta vakalevu mai vei au na marau, ia na i tukutuku ga me baleti ira na luvequ ni ra sa daumuria tiko na dina.

Sa Vakacaucautaki o Keio

⁵ I noqu i tokani lomani, o sa dau yalodina sara ena nomu i tavi ni veiqaravi vei ira na wekamu lotu Vakarisito, ka veitalia ga kevaka era sa vulagi.

⁶ Era sa mai vakadinadinataka na nomu dauloloma kivei ira na lewe ni soqosoqo lotu eke. Au sa kerea mo qai vukei ira me ra tomana tikoga na nodra i lakolako ena sala sa vinaka vua na Kalou.

⁷ Ni ra sa dau vakanamata ga ki na veiqaravi vei Karisito ena nodra i lakolako, ka sega ni ciqoma e dua na veivuke mai vei ira na tawa vakabauta.

⁸ Sa dodonu kina vei keda na lewenilotu Vakarisito me da vukei ira oqo, ka me da wasea vata kina na nodra cakacaka ena vuku ni dina.

O Tiotirifi kei Timitirio

⁹ Au a volavola ki na i soqosoqo lotu; ia o Tiotirifi, o koya sa dau viavia nodra i liuliu, sa sega sara ga ni via kauwaitaka na veika ka'u sa kaya.

¹⁰ O koya oqo, ena gauna au sa lako yani kina, au na qai tukuna na veika kece sa cakava o koya kei na veitukutuku lasu sa tukuna me baleti keda. Ia sa sega ga ni yaco e kea, a sa sega talega ni ciqomi ira na wekada Vakarisito o koya ni ra sa lako yani, ka sa dau tarovi ira talega era sa via veiciqomi, ka tovolea me biuti ira tani mai na i soqosoqo lotu.

¹¹ I noqu i tokani lomani, kakua ni vakadamurimuria na veika ca, vakadamurimuria ga na veika vinaka. O koya sa caka vinaka sa mai vua na Kalou; o koya sa caka ca sa sega ni raica na Kalou.

¹² Na tamata kecega sa tukuna na veika rogorogo vinaka me baleti Timitirio, mai na dina talega. Keitou sa vakadinadinataki koya vakakina, ka dou sa kila ni sa dina na neitou i tukutuku.

Otioti ni Vakanuinui Vinaka

¹³ Sa levu sara na ka au sa via tukuna, ia ka'u sa sega ga ni via vola yani vei iko.

¹⁴ Au sa nuitaka ga ni daru na sota totolo ena dua na gauna lekaleka mai oqo, me daru na qai veitalanoa kina ena matanavotu.

¹⁵ Me tikoga vei iko na vakacegu! Era sa loloma kece yani o ira na nomu i tokani. Na noqu i loloma levu vei ira yadudua sara na i tokani.