2 Veigauna 10 - Vakavakadewa Vou kei na iVola tale eso

Nodra Vakayaco Lomadra na Isireli

¹ A lako ki Sikemi o Reopoama, ni ra a lako mai kina o ira kecega na Isireli me ra buli koya me tui.

² Ia ni a rogoca o Jeropoama na luve i Nipati, ena nona a tiko vakatikitiki mai Ijipita, ni a dro ki kea mai vei Solomoni na tui, a qai lesu ki Ijipita o Jeropoama.

³ Era a talatala vua me lako mai; ka lako mai o Jeropoama kei ira kecega na Isireli, ka vosa vei Reopoama ka kaya,

⁴ O tamamuni sa vakabibitaka na neimami i colacola. Ia oqo mo ni vakamamadataka mada na cakacaka kaukauwa ka dau lavaka vei keimami o tamamuni, kei na i colacola bibi ka dau vakataqara vei keimami; keimami na qai qaravi kemuni.

⁵ A sa kaya vei ira o koya, “Mo ni lesu tale ka qai lako tale mai vei au ni oti e siga tolu.” Era a lako yani na tamata.

⁶ A bose vata o Reopoama na tui, kei ira na qase, ka ra dauvakasala vei Solomoni na tamana, ena gauna a bula kina, ka kaya, “A cava mada o ni sa vakasalataki au kina me'u kaya vei ira na tamata oqo?”

⁷ Era a kaya vua, “Kevaka o na yalo loloma vei ira na tamata oqo, ka vakayalovinakataki ira, ka vosa vinaka vei ira, era na qaravi kemuni ka tawa mudu.”

⁸ Ia a biuta o koya na nodra i vakasala na qase, ka la'ki rogoca sara na nodra lewa na cauravou ka ra i taba vata kaya ka ra dau tu e matana.

⁹ A sa kaya vei ira o koya, “A cava o ni lewa me da sauma kina na ka era kaya na tamata oqo ka ra mai vosa vei au ka kaya, ‘Mo ni vakamamadataka na i colacola ka dau vakataqara vei keimami o tamamuni?’ ”

¹⁰ Era a kaya vua na cauravou era tubu vata kaya, “Mo ni kaya vakaoqo vei ira na tamata era sa tukuna vei kemuni na vosa oqo, Sa vakabibitaka na neimami i colacola o tamamuni; ia mo ni vakamamadataka vei keimami; ka vosa vakaoqo vei ira, Sa vavaku cake na noqu i qaqalo lailai, ka lailai na tolo i tamaqu.

¹¹ Me vaka sa rui bibi na i colacola ka a lesia vei kemuni o tamaqu, ia au na vakaikuritaka tale na nomuni i colacola. Sa vunauci kemuni o tamaqu mai na kuita, ia au na vunauci kemuni mai na batibasaga.”

¹² A lesu tale mai o Jeropoama kei ira kece na tamata vei Reopoama ena i katolu ni siga, me vaka ni a kaya taumada na tui, Ni lako tale mai vei au ni oti e tolu na siga.

¹³ Ia na tui sa vosa vakaukauwa vei ira na tamata, ka sega ni via muria na nodra i vakasala na qase,

¹⁴ ka vosa vei ira me vaka na nodra lewa na cauravou, ka vaka, Sa vakabibitaka na nomuni i colacola o tamaqu, ia ka'u na vakaikuritaka; a vakanakuitataki kemuni o tamaqu ena dali, ia au na totogitaki kemuni ena batibasaga.

¹⁵ A sega ni vakarorogo na tui vei ira na tamata, baleta ni sa vakavuna ga na veika oqo na Kalou, me vakayacori kina na vosa i Jiova ka a cavuta o Eaija na kai Sailo vei Jeropoama na luve i Nipati.

¹⁶ Ia ni ra sa raica na Isireli ni sa sega ni rogoci na nodra vosa, era a qai kaya vua na tui ena domolevu, Me bale sobu o Tevita kei na nona vuvale! A cava era sa bau cakava ena vukuda? Oi kemuni na Isireli, me da lesu ki na noda veivale! Laivi Reopoama me qai qarauna vakataki koya ga na nona bula! Era sa lesu ki na nodra veivale na Isireli ena vuku ni ka oqo,

¹⁷ ka sa yaco me nodra tui wale ga na Isireli era vakaitikotiko ena veikoro e Juta o Reopoama.

¹⁸ A sa talai Atorami vei ira na Isireli o Reopoama na tui, ni sa lewa na cakacaka lavaki o Atorami; ia, era a qai vakaviriki koya ena vatu o ira na Isireli, ka mani mate kina. A cavutu vakatotolo o Reopoama na tui me vodoka na nona qiqinivalu, ka dro ki Jerusalemi.

¹⁹ Era a talaidredre na Isireli ki na vuvale i Tevita na tui me yacova mai na siga oqo.