1 Veigauna 9 - Vakavakadewa Vou kei na iVola tale eso

Na Tamata Era Lesu mai na Tiko Vakabobula

¹ A sa volai na yacadra kece na lewenivanua e Isireli ena kena i wasewase vakavuvale vata, ka sa maroroi na i tukutuku oqo e Na Kedra i Vola na Tui Isireli. Era a kau vakabobula ki Papiloni na Juta me i totogi ni nodra i valavala ca.

² O ira era i matai ni tamata me ra suka lesu tale ka taukena na nodra veikoro sa o ira na Isireli, na bete, na Livai, kei ira na dauveiqaravi ena Valenisoro.

³ Era a lako i Jerusalemi ka la'ki tiko kina na tamata mai na mataqali o Juta, o Penijamini, o Ifereimi kei na mataqali o Manasa.

⁴ Era a tiko mai Jerusalemi e lewe 690 na matavuvale ena mataqali o Juta.

⁵ O ira na kawa i Feresi na luve i Juta sa nodra qase o Ucei, na luve i Amiute ka makubui Omirai. E rau wili talega me nona qase o Imirai vata kei Pani.

⁶ O ira na kawa i Sela na luve i Juta tagane sa nodra qase o Asaia me i liuliu ni nona vuvale. O ira na kawa i Sira na luve i Juta tagane sa nodra qase o Jiueli.

⁷ O ira oqo na lewe ni mataqali i Penijamini era sa tiko mai Jerusalemi: o Salu na luve i Mesulame tagane na luve i Otevaia na luve i Asenua,

⁸ o Ipinaia na luve i Jiroame tagane, o Mesulame na luve i Sefataia tagane na luve i Riueli na luvei Ipinaia.

⁹ Era sa lewe 956 taucoko na i wiliwili ni vuvale ena loma ni mataqali oqo ka ra tiko mai kea. O ira kece sa cavuti na yacadra era sa nodra qase na veivuvale.

O Ira na Bete ka Tiko mai Jerusalemi

¹⁰ Oqo o ira na bete era a tiko mai Jerusalemi: o Jetaia, o Jioiaripi, o Jakini,

¹¹ kei Asaraia na luvena tagane o Ilikaia (o koya na vakailesilesi liu ni Valenisoro) ka ra nona qase o Mesulame kei Setoki kei Miraioci vata kei Eitupi;

¹² o Ataia na luve i Jiroame tagane, ka rau nona i tubutubu o Pasuri kei Milikaia; vata kei Masei na luve i Etieli tagane ka ra nona qase o Jasera kei Mesulame kei Mesilimeci vata kei Imeri.

¹³ O ira na bete ka nodra qase na veivuvale era sa lewe 1,760 taucoko. Era sa kena dau ena veicakacaka kece e caka e loma ni Valenisoro.

O Ira na Livai mai Jerusalemi

¹⁴ Oqo o ira na Livai era tiko e Jerusalemi: o Semaia na luve i Asupi tagane ka nodrau qase o Asirikame kei Esapaia mai na mataqali i Merari;

¹⁵ o Pakipakari kei Eresi kei Kalali; o Matanaia na luve i Mika tagane, na luve i Sikiri tagane, na luve i Esava tagane;

¹⁶ o Opetaia na luve i Semaia tagane, na luve i Kalali tagane, na luve i Jitucuni tagane; o Berekaia na luve i Asa tagane ka makubui Ilikana, o koya sa tiko maliwai ira na kai Nitofa.

¹⁷ Oqo o ira na dauyadrava na Valenisoro era sa tiko mai Jerusalemi: o Salumi, o Akupi, o Talimoni vata kei Eimani. A sa nodra i liuliu o Salumi.

¹⁸ Me yacova mai na gauna o ya, era a vakatikori na nodra veimataqali ena i curucuru mai na tokalau ki na Matamata ni Tui. Ia e liu, era a dau yadrava na matamata ki na nodra i tikotiko na Livai.

¹⁹ O Salumi, na luve i Kora tagane ka makubui Epaiasafi, vata kei ira na lewe ni mataqali o Kora, a sa nodra i tavi me ra yadrava na katuba ni vale tabu, me vaka sara ga era a dau cakava na nodra i tubutubu ena gauna e liu ni ra a dau yadrava kina na i tikotiko i Jiova.

²⁰ O Finiasi na luve i Iliesa, a sa nodra i liuliu tu na i vakatawa ena dua na gauna, ka sa totaki koya o Jiova.

²¹ A sa dua talega vei ira na dauyadrava na Vale ni Veitavaki o Sakaraia na luve i Meselimaia.

²² Ni sa soqoni vata na kedra i wiliwili kece, era sa lewe 212 na tamata sa digitaki me ra yadrava na matamata kei na katuba kece. Era sa volai ga ki na veikoro era dui tiko kina. Sa i rau o Tevita na tui kei Samuela na parofita ka rau a vakatikori ira na nodrau qase ki na i lesilesi ni kena qaravi na i tavi bibi oqo.

²³ O rau kei ira na nodrau kawa era a qai tomana tiko na kena yadravi na matamata ni Valenisoro.

²⁴ A sa tiko na matamata mai na yasana e va, ka ra veiqaravi tu ki loma, o ya mai na vualiku, na ceva, na tokalau, kei na ra, ka tiko na i liuliu ni matayadra ena matamata yadua.

²⁵ Era dau veivuke yadra vei ira na i liuliu oqo o ira na wekadra era sa tiko ena veikoro, era veisau yadra me bogi vitu na tamata yadua.

²⁶ O iratou na lewe va na i liuliu ni matayadra e ratou kawa i Livai, ka tiko e ligadratou na i tinitini ni vakatulewa. A nodratou i tavi talega na kena qarauni na veirumu ena Valenisoro kei na veiyaya era maroroi tu kina.

²⁷ Era a vakaitikotiko voleka ga ki na Valenisoro, baleta ni sa nodra i tavi me ra yadrava tiko ka dolava na kena veikatuba ena veimataka kece.

Eso Tale Vei Ira na Livai

²⁸ A sa lesi eso vei ira na Livai me ra qarauna na veiyaya ni sokalou. Era dau wilika na veiyaya kece ni sokalou sa kau yani ki loma, ka wilika tale ni sa kau mai ki tautuba.

²⁹ Eso tale sa lesi me ra qarauna na kena maroroi na veiyaya tabu tale eso, kei na madrai droka, na waini, na waiwai olive, kei na ka boi vinaka.

³⁰ Ia na i tavi me baleta na kena waki vata na veika boi vinaka sa nodra vakatabakidua ga na bete.

³¹ E dua vei ira na Livai ka yacana o Maticala, na ulumatua tagane i Salumi, mai na mataqali o Kora, a sa nona i tavi me vakarautaka na keke vavi me vakacabori.

³² A sa nodra i tavi na lewe ni mataqali o Koaca me ra vakarautaka na madrai tabu ni Valenisoro ena Siga ni Vakacecegu kece sara.

³³ Eso na vuvale mai vei ira na Livai sa nodra i tavi na kena qaravi na sere ni sokalou ena Valenisoro. O ira na i liuliu ni veivuvale oqo era tiko ga ena lomanibai ni Valenisoro ka ra galala mai na cakacaka tale eso, baleta ni ra sa tu vakarau me ra qarava na nodra i tavi ena siga kei na bogi.

³⁴ O ira na Livai ka volai koto oqori e cake na yacadra era sa nodra qase ni veivuvale, me vaka na i tuvatuva ni nodra kawa. Oqo o ira na i liuliu ka ra tiko mai Jerusalemi.

Na i Tubutubu kei na Kawa i Saula

³⁵ A sa tauyavutaka na koro o Kipioni o Jieli, ka vakaitikotiko kina. Na yaca i watina o Meka.

³⁶ Na luvena ulumatua tagane o Apitoni, kei iratou na vo ni luvena tagane o Suri, kei Kisi, kei Peali, kei Neri, kei Netapi,

³⁷ kei Kitori, kei Eio, kei Sakaraia, vata kei Mikiloci.

³⁸ O Mikiloci na tama i Semea. O ira kece na nodra kawa era tiko ga mai Jerusalemi, ka toka veivolekati ga vakavuvale kei ira na lewe ni nodra mataqali.

³⁹ A sa yaco o Neri me tama i Kisi; ka sa yaco o Kisi me tama i Saula. E ratou lewe va na luve i Saula tagane: o Jonacani, kei Malikisua, kei Apinatapi, vata kei Esipeali.

⁴⁰ Sa yaco o Jonacani me tama i Meribali ka sa yaco o Meribali me tama i Maika.

⁴¹ E ratou lewe va na luve i Maika tagane: o Piconi, kei Meleki, kei Tarea, vata kei Easi.

⁴² O Easi na tama i Jara; e ratou lewe tolu na luve i Jara tagane: o Alemeci, kei Asimavece, vata kei Simirai. O Simirai na tama i Mosa,

⁴³ o Mosa na tama i Pina, o Pina na tama i Rifaia, o Rifaia na tama i Iliesa vata kei Iliesa na tama i Aseli.

⁴⁴ E ratou sa lewe ono na luve i Aseli tagane: o Asirikame, o Pokiru, o Isimeli, o Siaraia, o Opetaia vata kei Anani.