1 Veigauna 6 - Vakavakadewa Vou kei na iVola tale eso

Na Kawa ni Vuvale Vakabete Levu

¹ E ratou lewe tolu na luve i Livai tagane: o Kerisoni, o Koaca kei Merari,

² E ratou lewe va na luve i Koaca tagane: o Arimi, o Isari, o Epironi kei Usieli.

³ E rau lewe rua na luve i Emirami tagane: o Eroni, o Mosese, ka dua na luvena yalewa o Miriama. E ratou lewe va na luve i Eroni tagane: o Netapi, o Epaiu, o Iliesa kei Icama.

⁴ O ira na kawa i Iliesa ena kena dewa vakaitabatamata, sa vakaoqo: Finiasi, o Episua,

⁵ o Buki, o Usai,

⁶ o Seraia, o Miraioci;

⁷ o Amaraia, o Eiitupi,

⁸ o Setoki, o Eimasi,

⁹ o Asaraia, o Jonani,

¹⁰ o Asaraia (o koya ka a veiqaravi ena Valenisoro a tara o Solomoni na tui e Jerusalemi),

¹¹ o Amaraia, o Eitupi,

¹² o Setoki, o Salumi,

¹³ o Ilikaia, o Asaraia,

¹⁴ o Seraia, o Josateki.

¹⁵ A vakabobulataki Josateki o Nepukanesa na tui, ka kauti koya vakabobula kei ira na tamata eso mai Juta, kei ira mai Jerusalemi me vaka na i naki i Jiova.

Eso Tale na Kawa i Livai

¹⁶ E ratou lewe tolu na luve i Livai tagane: o Kerisomi, o Koaca, kei Mirari.

¹⁷ E ratou vakaluveni tagane tolutolu: o Kerisomi na tamadrau o Lipini, kei Semeai.

¹⁸ O Koaca na tamadratou o Emirami, o Isari, o Epironi, o Usieli.

¹⁹ O Merari na tamadrau o Mali kei Musi.

²⁰ O ira oqo na kawa i Kerisomi ni dewa vakaitabatamata: o Lipini, o Jeoaci, o Sima,

²¹ o Joa, o Ito, o Sira kei Jiacirei.

²² O ira oqo na kawa i Koaca ni dewa sobu vakaitabatamata: o Amenatave, o Kora, o Asiri,

²³ o Ilikana, o Epaiasafi, o Asiri,

²⁴ o Teaci, o Urieli, o Usaia kei Saula.

²⁵ E rua na luve i Ilikana tagane, o Amasai kei Elimoci.

²⁶ O ira oqo na kawa i Elimoci ni dewa sobu vakaitabatamata: o Elikena, o Sofei, o Neaca,

²⁷ o Eliapi, o Jiroame kei Elikena.

²⁸ E rau lewe rua na luve i Samuela tagane: o Joeli na nona ulumatua, kei Epaia na tacina.

²⁹ O ira oqo na kawa i Merari mai na dua na i tabatamata ki na dua tale: o Mali, o Lipini, o Semeai, o Usa,

³⁰ o Semea, o Akaia kei Asaia.

O Ira na Daunivakatagi kei na Sere

³¹ O ira oqo a lesi ira o Tevita na tui me ra dau qarava na sere ena vale i Jiova mai Jerusalemi, ni sa kau oti ki kea na Kato ni Veiyalayalati.

³² Era sa dau ia na qaravi ni sere ni sokalou ena mata ni Vale ni Veitavaki, ena gauna ka se bera ni tara kina o Solomoni na tui na vale i Jiova.

³³ Na nodra kawa na vakailesilesi ni veiqaravi sa vakaoqo: Na mataqali i Koaca: O koya ka liutaka na i matai ni matasere sai Imani na luve i Joeli. Oqo na i sema ni nona kawa ka vakatekivu tale mai vei Jekope: o Imani, o Joeli, o Samuela,

³⁴ o Ilikana, o Jiroame, o Ilieli, o Toa,

³⁵ o Sufi, o Ilikana, o Meaci, o Amasai,

³⁶ o Ilikana, o Joeli, o Asaraia, o Sefanaia,

³⁷ o Teaci, o Asiri, o Epaiasafi, o Kora,

³⁸ o Isari, o Koaca, o Livai kei Isireli.

³⁹ Na i liuliu ni karua ni matasere o Esava. E la'ki tekivu tale na nona i yatu ni kawa vakavuvale mai vei Livai me vakaoqo: o Esava, o Berekaia, o Semea,

⁴⁰ o Maikeli, o Peasea, o Malikaia,

⁴¹ o Ecini, o Sira, o Ataia,

⁴² o Ecani, o Sema, o Semeai, o Jeaci,

⁴³ o Kerisomi, o Livai.

⁴⁴ Ia na i liuliu ni katolu ni matasere, o Icani, mai na mataqali i Mirari. E dewa lesu tale na nona kawa me la'ki tekivu mai vei Livai ka me vakaoqo: o Icani, o Kisi, o Apiti, o Maluki,

⁴⁵ o Esapaia, o Amasaia, o Ilikaia,

⁴⁶ o Amisai, o Pani, o Semeri,

⁴⁷ o Mali, o Musi, o Mirari, o Livai.

⁴⁸ Era a lesi talega o ira na wekadra na Livai ki na veicakacaka kecega ni Vale ni Kalou.

Na Kawa i Eroni

⁴⁹ O Eroni kei ira na nona kawa era sa dauvakama na i solisoli ni ka boi vinaka ka ra dau vakacabora na i soro kama ena dela ni cabocabonisoro. Sa nodra i tavi me ra qarava na veiqaravi kece sara ni sokalou ena Tikina Tabu Sara vata kei na vakacabori ni i soro kama sa bokoca kina na nodra i valavala ca na Isireli na Kalou. Era a vakayacora na veika oqo me vaka sa vakarota o Mosese na dauveiqaravi i Jiova.

⁵⁰ O ira oqo e dua na i yatu ni kawa i Eroni: o Iliesa, o Finiasi, o Episua,

⁵¹ o Puki, o Usai, o Seraia,

⁵² o Miraioci, o Amaraia, o Eitupi,

⁵³ o Setoki kei Eimasi.

Na Nodra Veikoro na Livai

⁵⁴ Oqo na vanua ka a soli me nodra i tikotiko na kawa i Eroni, ena mataqali i Koaca. A soli vei ira na i matai ni votavota ni vanua.

⁵⁵ Oqo e okati kina o Epironi ena vanua i Juta kei na kena vanua veico,

⁵⁶ ia na veivanua ni teitei kei na veikoro sa soli ga vei Kelevi na luve i Jifune tagane.

⁵⁷ A sa soli vei ira na kawa i Eroni na veikoro ni drodro oqo: o Epironi, o Lipina kei na kena vanua veico vinaka, o Jatiri, o Esitimoa kei na kena veico vinaka,

⁵⁸ o Ileni, o Tepiri,

⁵⁹ o Asani kei Peci Semesi vata kei na kedra vanua veico vinaka.

⁶⁰ A soli vata talega vei ira na veikoro oqo kei na kedra vanua veico mai na nodra mataqali na Penijamini: o Kipa, o Alemeci, o Anacoci. Na kena levu taucoko e 13 na veikoro me ra tiko kina na nodra veivuvale na kawa i Eroni.

⁶¹ E tini na koro mai na Ra kei Manasa sa wasei mai na vakawiri madigi me soli ki na vo ni mataqali i Koaca, ka sa wasei vakavuvale.

⁶² A sa wasei ki na veivuvale ena mataqali i Kerisoni e tinikatolu na veikoro ena i yalayala ni vanua o Isakari, o Aseri, o Navitalai, kei na Tokalau kei Manasa mai Pasani.

⁶³ Ena sala vata oqori, a sa soli talega kina e tinikarua na koro ena i yalayala ni vanua o Rupeni, o Kata, kei Sevuloni me nodra na kawa i Merari, ka sa wasei vakavuvale.

⁶⁴ Ena sala oqo era a solia kina na Isireli vei ira na Livai na veikoro me ra tiko kina, vata kei na vanua bulabula sa volita na koro.

⁶⁵ (Na veikoro ena i yalayala ni vanua o Juta, Simione, kei Penijamini, me vaka sa tukuni mai cake, e sa wasewasei talega ena sala ni vakawiri madigi.)

⁶⁶ Eso na vuvale ena loma ni mataqali i Koaca sa votai talega vei ira na veikoro kei na vanua bulabula ena i yalayala ni vanua o Ifereimi:

⁶⁷ na koro ni drodro o Sikemi ena vanua veidelana o Ifereimi, o Keseri,

⁶⁸ o Jokimiami, o Peci Oroni,

⁶⁹ o Eijaloni kei Kacarimoni.

⁷⁰ A soli talega me nodra na koro o Aneri kei Pilami vata kei na vanua veico sa tu volivolita na nodra vanua na i wase ni mataqali o Manasa ena ra.

⁷¹ A sa soli vei ira na veivuvale ena mataqali i Kerisomi na veikoro sa cavuti oqo kei na vanua veico e vakavolivolita: Ena nodra vanua e dua na i wase ni mataqali i Manasa ena ra: o Kolani e Pasani kei Aseteroci.

⁷² Ena nodra vanua na mataqali i Isakari: o Ketesi, o Tapiraci,

⁷³ o Ramoci kei Anemi.

⁷⁴ Mai na nodra vanua na mataqali i Aseri: o Masali, o Apitoni,

⁷⁵ o Ukoki kei Riopi.

⁷⁶ Ena nodra vanua na mataqali i Navitalai: o Ketesi mai Kalili, o Amoni kei Kiriaceimi.

⁷⁷ A soli vei ira na vo ni veimatavuvale mai na mataqali i Merari na veikoro sa cavuti oqo kei na veivanua veico sa vakavolivolita. Mai na nodra vanua na Sevuloni: o Rimoni vata kei Tepori.

⁷⁸ Mai na nodra vanua na mataqali i Rupeni, ena tai e cake, ena tokalau ni uciwai na Joritani ka siviti Jeriko yani: o Peseri ka koto ena buca cecere, o Jasa,

⁷⁹ o Kitemoci kei Mefeaci.

⁸⁰ Ena nodra vanua na mataqali i Kata: o Remoci mai Kiliati, o Meneimi,

⁸¹ o Esiponi kei Jaseri.